Tashkent shehiride ötküzülgen Uyghur resim körgezmisi axirlashti

Bishkektin ixtiyariy muxbirimiz féruze teyyarlidi
2023.10.09
Abdulhamit Karahan

Özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmiside abdulhemit qaraxan ependi ijadiy kéchide nutuq sözlimekte, 2023-yili 6-öktebir, tashkent RFA/Feruze

Almuta-shehirdin-kelgen-senetsoyerler-1024

Özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmisige almuta shehiridin kelgen sen'et söyerler, 2023-yili 6-öktebir, tashkent RFA/Feruze

Sabitjan Babajanov bilen Hamdi Turshuju

Özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmiside sabitjan babajanow bilen xemdi turshuju körgezme zalida, 2023-yili 6-öktebir, tashkent RFA/Feruze

soldin-ongha-Lekim-Ibragimov-Sabitjan-Babajanov

Özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmiside soldin onggha lékim ibrahim, sabitjan babajanow, xemdi turshuju, abdulhemit qaraxan, gulnaz tursun we sergili tuman nahiyesidiki Uyghur jama'itining re'isi munajidin heweydullayiwlar körgezme zalida, 2023-yili 6-öktebir, tashkent RFA/Feruze

Uyghur-Akademiye-wekili-doctor-Rahile-Qashgharli-nutuq-qilmaqta-1024

Özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmiside Uyghur akadémiyesining wekili doktor rahile nutuq sözlewatidu, 2023-yili 6-öktebir, tashkent RFA/Feruze

uyghur ressam we ziyaliylar Semerkent shehiride

Özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmisige qatnashqan Uyghur ressam we ziyaliylar semerqent shehiride chüshken xatire süriti, 2023-yili 6-öktebir, semerqent RFA/Feruze

uyghur ziyaliylar Semerkent shehiride

Özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmisige qatnashqan Uyghur ziyaliylarning semerqent shehiride chüshken xatire süriti, 2023-yili 6-öktebir, semerqent RFA/Feruze

6-Öktebir küni özbékistan paytexti tashkent shehiride “Medeniy miras” dep atalghan Uyghur ressamlirining xelq'araliq körgezmisi axirlashti. Yépilish pa'aliyitige özbékistan Uyghur jama'itining ezaliri, özbékistanda turushluq türkiye jumhuriyiti elchixanisining axbarat xadimliri, özbékistan téléwiziye muxbirliri, sen'et söyerler we köp sanda Uyghur ziyaliyliri qatnashti.

Mezkur körgezmining resmiy échilish we yépilish murasimlirigha nurghun hökümet we jama'et erbablirining qatnishishi özbékistan jumhuriyitide Uyghur xelqining aldinqi qatardiki milletlerning biri bolghanliqini ipadileydiken. Körgezmining axirqi künliride özbékistanda turushluq türkiye jumhuriyiti elchixanisining wekili xemdi turshuju ependi Uyghur ressamliri bilen söhbetliship, ularning eserliridin bek tesirlen'genlikini bildürdi. Qirghizistan xelq ressami sabitjan babajanof özining “Idiqutning üch ewladi” namliq esirini türkiye jumhuriyiti elchixanisigha hediye qildi. Radiyomiz ziyaritini qobul qilghan sabitjan babajanof ressam süpitide alghan tesiratliri toghrisida sözlep ötti.

Tashkenttiki güzel-sen'et akadémiyesining foto-süretler sariyida teshkillen'gen mezkur körgezme yene Uyghur tili we medeniyitini saqlash we rawajlandurushni meqset qilghan. Shu sewebtin körgezme teshkilligüchiliri mexsus pirogramma teyyarlap körgezmining her küni oxshimighan bir murasimlarni élip barghan. Bular: özbékistan jumhuriyetlik we tashkent sheherlik Uyghur jama'iti bilen uchrishish, Uyghur ziyaliylirining semerqent shehiride uchrishishi, Uyghur ziyaliyliri we ressamlirining oqughuchilar bilen uchriship “Ijadiy kéchilik” ötküzüshi we ana til mawzusidiki muhakime yighini qatarliqlardin terkib tapqan.

Radiyomiz ziyaritini qobul qilghan almuta shehiridiki jumhuriyetlik Uyghurlar birleshmisining bashliqi, iqtisadshunasliq ilmining piroféssori, akadémik akimjan arupof mezkur körgezme dawamida, bolupmu semerqent shehiridin alghan tesiratliri we oy-pikirliri bilen ortaqlashti.

Mezkur körgezmini teshkilligüchilerdin biri, medeniyet pa'aliyetchisi izzetbüwi heweydullayéwa xanim özlirining bu körgezmidin paydilinip Uyghur ziyaliylirini bir yerde toplap, öz'ara munasiwetlerni kücheytish we yash ewladlargha Uyghur medeniyiti bayliqini bildürüsh meqsitige yetkenlikini bildürdi.

Tashkenttiki Uyghur ressamlirining teswiriy sen'et eserlirining körgezmisi dawamida “Uyghur tilini saqlash we rawajlandurush” mawzusida ötküzülgen muhakime yighinida Uyghur akadémiyesi bash katipi abdulhemit qaraxan ependi tashkent ahalisi we bashqilar üchün Uyghur akadémiyesi teripidin tor arqiliq élip bériliwatqan ana til dersliri toghrisida toxtilip, yash ewladlarning süpetlik bilim élishini tewsiye qildi.

Abdulhemit ependi yene Uyghur akadémiyesi re'isi doktor rishat abbas ependining salami we arzusini oqup ötti.

Muhajirettiki Uyghurlarning eng asasiy mesililiridin biri ana tilni saqlap qélish, shuning bilen birge anilarning mes'uliyiti yash ewladlarni wetenperwerlik rohida terbiyelesh we weten söygüsini kücheytishtur. Tashkent shehiride dawam qilghan 7 künlük “Medeniy miras” körgezmisi jeryanida yene edebiyatshunas alime dilber roziyéwa xanim nutuq sözlep weten söygüsi toghrisida toxtaldi.

Mezkur körgezme dawamida uyushturulghan ressamlar we istudéntlar uchrishishida gérmaniyede istiqamet qiliwatqan Uyghur ressam merwayit hapiz xanim ewladlargha Uyghur tarixi we öz resimidiki Uyghur ayallirining kiyim-kéchekliri toghrisida tepsiliy toxtaldi.

Tashkent shehiridiki sen'et söyer yash qiz texmina alimowa radiyomiz ziyaritini qobul qilip, körgezmidin, bolupmu ressamlar uchrishishidin alghan tesiratliri bilen ortaqlashti.

Xelq'araliq Uyghur ressamliri körgezmisige peqet ressamlarla emes belki yene ziyaliylirimu teklip qilin'ghan. Mezkur pa'aliyetke kelgen türkiye, rusiye, qazaqistan, qirghizistan we özbékistan Uyghur jama'et wekilliri we ziyaliyliri yéngi layihelerni birlikte muzakire qilishti. Uyghur akadémiyesining qollishida nöwettiki medeniy uchrishish we körgezmini türkiyede uyushturush pikirliri otturigha chüshti.

Sankt-pétérburg shehiride yashaydighan Uyghur ziyaliysi hemrajan zayitof ziyaritimizni qobul qilip mezkur körgezmidin alghan tesiratliri heqqide toxtilip, pa'aliyetning chong ehmiyetke ige bolghanliqini eskertti.

Kéyinki yillarda özbékistan Uyghur jama'iti xelq'ara Uyghur teshkilatlirigha eza bolup Uyghurlarning pa'aliyetlirigimu qoshulmaqta. Melum bolushiche özbékistandiki eng chong Uyghur diyasporasi tashkent we endijan sheherlirige tarqalghan. Tashkent shehirining bir qisim Uyghur ahalisini Uyghur diyaridin chiqqan Uyghurlar teshkil qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.