Hayat-u ümid, u sebir

Uyghur qizi göherning ata-anisi we uruq-tughqanlirining 11-séntebir qurbanlirini xatirilesh murasimidin alghan tesiratliri heqqide muxbirimiz teyyarlighan programmini diqqitinglargha sunimiz.
Muxbirimiz gülchéhre
2011-09-13
Share
911-11-sentebir-xatirilesh-305.jpg Merhume göherning ata-anisi we uruq-tughqanliri néwyorktiki nöl nuqtida 11-séntebir paji'esining 10 yilliqini xatirilidi. 2011-Yili 11-séntebir.
RFA

11-Séntebir paji'esi, her yili shu künde qaytilap éytilidighan bu chöchek, 10 yilliqida yene qaytilandi, yarilan'ghan qelbler shu deqiqe shu minutta hayat bilen mamat otturisida ghayib bolghan öch minglarche bigunah janlargha atap du'a tilawetler qilishti, közler nemlendi, 11-séntebir weqesining 10 yilliqini xatirilesh üchün néwyorktiki nöl nuqtigha yighilghan kishiler arisida, 11-séntebir paji'esining biwasite qurbanliri ichidiki birdin bir Uyghur qizi göherning ata-anisi uruq tughqanlirimu bar idi.

nol-nuxta-385.jpg
Néwyorktiki nöl nuqta. 2011-Yili 11-séntebir.
RFA

2011-Yili 11-séntebir yekshenbe, nyuyork waqti etigen sa'et 8din 46 minut ötkende yeni 10 yil awwal térroristlar teripidin qachurulghan ayropilanning birinchisi del dunya soda merkizige urulghan shu minutlar eslinip, hayat bilen mamat chégrasida toxtap qalghan rohlar xatirilinip yénik qongghuraq uruldi. Térrorluq hujumda ziyankeshlikke uchrighan 2983 ademning isimliri birmu bir oqup ötüldi.

Amérika qoshma shtatliri prézidénti barak obama, we xanimi bilen hemde yene amérika qoshma shtatliri sabiq prézidénti jorji bush we xanimi teng néwyorkta,térroristlar teripidin qachurulghan ayropilan soqulup uch minglarche bigunah insan bilen teng yoq qilin'ghan dunya soda merkizi binasining ornigha yasiliwatqan 11-séntebir dölet muzéyida, shu qétimliq térrorluq hujumi qurbanlirining a'ile tawabi'atliri bilen bir birlep quchaqliship körüshüp chongqur hal soridi.
Prézidént barak obama teziye nutiqida, puchilan'ghan yüreklerge teselli bérip injildin pare keltürdi.

11-Séntebir térrorluq hujumigha on yil nishanlan'ghan bu künde ziyankeshlikke uchrighuchilarning a'ile tawabi'atliri, teziye bildürgüchiler, axbaratchilar,ziyaretchilerge liq tolghan nöl nuqtida bir Uyghur ana hemrahliri bilen teng oninchi nöwet oxshash jayda oxshash waqitta oxshash héssiyatta bu térrorluq hujumining biwasite qurbanliri ichidiki birdin bir Uyghur qizi bolghan göherni eslep yene köz yash qildi, peride anining 10 yilliq yürek yarisi yene qanidi.

Hayat bir ders, her insanning hayatqa bergen bahasi oxshimaydu, peride anigha oxshash qara chachliq perzentini uzatqan aq chachlar üchün hayat bir sebir hayat u ümid.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet