Уйғур тәшкилатлири ғулҗида ечилған 12 уйғурға һөкүм елан қилиш сотиға инкас қайтурди

Или областлиқ сот мәһкимиси 18 ‏ - сентәбир күни очуқ сот ечип, 24 нәпәр уйғур яш үстидин һөкүм елан қилған иди. Шинхуа агентлиқиниң хәвиридә мәһкумлардин 12 нәпириниң иҗтимаий җинайәт билән, 12 нәпириниң сияисй җинайәт билән әйибләнгәнликини билдүрүлди.
Мухбиримиз шөһрәт һошур
2008-09-23
Елхәт
Пикир
Share
Принт
4 - Авғуст күнидики һуҗумда өлтүрүлгән 16 хитай қораллиқ сақчи хадимлириниң матәм мурасимға қатнишиватқан уйғурларниң йиғилип турушқан вә бир хитай сақчисиниң кишиләр топини назарәт қилип турған көрүнүши. 2000 Ға йеқин уйғурларму матәм мурасимиға қатнашқан болуп, бир нәччә кишиләр AFP мухбириға өзлириниң матәмгә буйруқ билән қатнишиватқанлиқини ейтқан.
4 - Авғуст күнидики һуҗумда өлтүрүлгән 16 хитай қораллиқ сақчи хадимлириниң матәм мурасимға қатнишиватқан уйғурларниң йиғилип турушқан вә бир хитай сақчисиниң кишиләр топини назарәт қилип турған көрүнүши. 2000 Ға йеқин уйғурларму матәм мурасимиға қатнашқан болуп, бир нәччә кишиләр AFP мухбириға өзлириниң матәмгә буйруқ билән қатнишиватқанлиқини ейтқан.
AFP Photo

Әмма, мәһкумларниң конкрет қандақ һәрикәтләр сәвәблик қолға елинғанлиқи вә қандақ җазаға учриғанлиқи билдүрүлмиди. Или областлиқ парткомниң муавин секритари, сиясий қанун комитетиниң мудири җаң йүн һөкүм елан қилиш йиғинида сөз қилип, мәзкур йиғинни хитайниң үч хил күчләргә қарши һәрикәттики қәтий мәйданиниң ипадиси, баш көтүргән һаман уруш чарисиниң бир парчиси дәп көрсәткән. Бу сөзләр бу күнки йиғинда аз дегәндә бир қанчә кишигә өлүм җазаси бәргәнликидин бишарәт бәрмәктә. Бүгүн муһаҗирәттики уйғур тәшкилатлири бу һәқтә баянат елан қилип, хитай һөкүмитини әйиблиди.

Дуня уйғур қурултийиниң баянатчиси дилшат ришит сөзидә, хитайниң сиясий делоларни қанун буйичә әмәс, бәлки сиясий чақириқ вә һөҗҗәткә асасән бир тәрәп қиливатқанлиқини, бу хил ишниң хәлқара қанунларға тамамән хилап икәнликини билдүрүп хәлқара җамаәтни хитайға бесим ишлитишкә чақирди. Дилшат ришит сөзидә хитай йәнә хаталишиватиду, қорал күчигә тайинип туруп уйғурларни зулумға сүкүт қилдурмақчи болуватиду дәп әйиблиди.

Мәркизи германийиниң франкфурт шәһиригә җайлашқан шәрқи түркистан бирлики тәшкилати, мәзкур йиғинда җазаға учриған мәһкумларниң җинайәтчи икәнликини инкар қилди.

Шинхуа агентлиқиниң мәзкур йиғин һәққидики хәвиридә, өткән 8 ай ичидә, 6 террорлуқ тәшкилати паш қилинғанлиқи, 3 әскирий тәлимат базиси вә 11 қанунсиз диний тәшвиқат соруни байқалғанлиқи вә 43 кишиниң қолға елинғанлиқи хәвәр қилинған. Бу мәлуматлар, хитайниң олимпик мәзгилидә йүз бәргән йәнә бир қатар вәқәләрни хитайниң дунядин йошурун тутқанлиқини көрсәтмәктә.

Тәшкилат башлиқи күрәш атахан сөзидә, хитайни етник қирғинчилиқни йолға қоюватиду дәп әйиблиди. У сөзидә йәнә, хитайниң 50 йилдин бери иқтисадий җәһәттин намрат қалдуруш, мәдәний ‏ - маарип җәһәттин арқида қалдуруш, сәһийә җәһәттин мудапиәсиз қалдуруш вә қанлиқ бастуруш қатарлиқ һәр хил шәкилләрдә етник тазилаш елип бериватқанлиқини билдүрди.

Юқирида биз силәргә, әли қунахун, мәмтили абдурахман қатарлиқ 24 нәпәр яшқа хитай тәрипидин елан қилинған һөкүмгә қарита уйғур тәшкилатлириниң инкасини силәргә сундуқ.

Пикирләр (0)
Share
Толуқ бәт