Uyghur teshkilatliri ghuljida échilghan 12 Uyghurgha höküm élan qilish sotigha inkas qayturdi

Ili oblastliq sot mehkimisi 18 ‏ - séntebir küni ochuq sot échip, 24 neper Uyghur yash üstidin höküm élan qilghan idi. Shinxu'a agéntliqining xewiride mehkumlardin 12 nepirining ijtima'iy jinayet bilen, 12 nepirining siya'isy jinayet bilen eyiblen'genlikini bildürüldi.
Muxbirimiz shöhret hoshur
2008-09-23
Élxet
Pikir
Share
Print
4 - Awghust künidiki hujumda öltürülgen 16 xitay qoralliq saqchi xadimlirining matem murasimgha qatnishiwatqan uyghurlarning yighilip turushqan we bir xitay saqchisining kishiler topini nazaret qilip turghan körünüshi. 2000 Gha yéqin uyghurlarmu matem murasimigha qatnashqan bolup, bir nechche kishiler AFP muxbirigha özlirining matemge buyruq bilen qatnishiwatqanliqini éytqan.
4 - Awghust künidiki hujumda öltürülgen 16 xitay qoralliq saqchi xadimlirining matem murasimgha qatnishiwatqan uyghurlarning yighilip turushqan we bir xitay saqchisining kishiler topini nazaret qilip turghan körünüshi. 2000 Gha yéqin uyghurlarmu matem murasimigha qatnashqan bolup, bir nechche kishiler AFP muxbirigha özlirining matemge buyruq bilen qatnishiwatqanliqini éytqan.
AFP Photo

Emma, mehkumlarning konkrét qandaq heriketler seweblik qolgha élin'ghanliqi we qandaq jazagha uchrighanliqi bildürülmidi. Ili oblastliq partkomning mu'awin sékritari, siyasiy qanun komitétining mudiri jang yün höküm élan qilish yighinida söz qilip, mezkur yighinni xitayning üch xil küchlerge qarshi herikettiki qet'iy meydanining ipadisi, bash kötürgen haman urush charisining bir parchisi dep körsetken. Bu sözler bu künki yighinda az dégende bir qanche kishige ölüm jazasi bergenlikidin bisharet bermekte. Bügün muhajirettiki Uyghur teshkilatliri bu heqte bayanat élan qilip, xitay hökümitini eyiblidi.

Dunya Uyghur qurultiyining bayanatchisi dilshat rishit sözide, xitayning siyasiy délolarni qanun buyiche emes, belki siyasiy chaqiriq we höjjetke asasen bir terep qiliwatqanliqini, bu xil ishning xelq'ara qanunlargha tamamen xilap ikenlikini bildürüp xelq'ara jama'etni xitaygha bésim ishlitishke chaqirdi. Dilshat rishit sözide xitay yene xatalishiwatidu, qoral küchige tayinip turup Uyghurlarni zulumgha süküt qildurmaqchi boluwatidu dep eyiblidi.

Merkizi gérmaniyining frankfurt shehirige jaylashqan sherqi türkistan birliki teshkilati, mezkur yighinda jazagha uchrighan mehkumlarning jinayetchi ikenlikini inkar qildi.

Shinxu'a agéntliqining mezkur yighin heqqidiki xewiride, ötken 8 ay ichide, 6 térrorluq teshkilati pash qilin'ghanliqi, 3 eskiriy telimat bazisi we 11 qanunsiz diniy teshwiqat soruni bayqalghanliqi we 43 kishining qolgha élin'ghanliqi xewer qilin'ghan. Bu melumatlar, xitayning olimpik mezgilide yüz bergen yene bir qatar weqelerni xitayning dunyadin yoshurun tutqanliqini körsetmekte.

Teshkilat bashliqi küresh ataxan sözide, xitayni étnik qirghinchiliqni yolgha qoyuwatidu dep eyiblidi. U sözide yene, xitayning 50 yildin béri iqtisadiy jehettin namrat qaldurush, medeniy ‏ - ma'arip jehettin arqida qaldurush, sehiye jehettin mudapi'esiz qaldurush we qanliq basturush qatarliq her xil shekillerde étnik tazilash élip bériwatqanliqini bildürdi.

Yuqirida biz silerge, eli qunaxun, memtili abduraxman qatarliq 24 neper yashqa xitay teripidin élan qilin'ghan hökümge qarita Uyghur teshkilatlirining inkasini silerge sunduq.

Toluq bet