5 - Iyul ürümchi weqesi eks ettürülgen foto süretler enqere xelq'araliq körgezmide

5‏ - Iyul ürümchi weqesi ekis ettürülgen yüz parche foto süret enqerede chaqirilghan 6 - nöwetlik xelq'araliq anatoliye féstiwalida körgezme qilinmaqta. Bu féstiwalni enqere etimesqut rayonluq hökümet uyushturghan.
Muxbirimiz erkin tarim
2009.09.28
urumchi-weqesi-heqqide-photo-korgezmisi-1-305.jpg Süret, 26 - séntebirdin 4 - öktebirgiche dawam qilidighan 6 - nöwetlik xelqaraliq anatoliye féstiwalida, kishilerning ‏5 - iyul ürümchi weqesi ekis ettürülgen 100 parche foto süretlerni közdin kechürüwatqandiki körünüshler.
RFA Photo / Erkin Tarim

Féstiwalgha, özbékistan, türkmenistan, shimaliy sipurus türk jumhuriyiti, iraq türkmenliri we türkiyining herqaysi wilayetliridin bolup 30 etrapida ammiwi teshkilat qatniship mexsus bölme échip öz medeniyetlirini tonushturmaqta.

Uyghurlargha wakaliten sherqiy türkistan medeniyet we hemkarliq jem'iyiti mexsus bölme échip, 5 - iyul ürümchi weqesi ekis ettürülgen 100 parche resimni körgezme qilmaqta. Bulardin bashqa Uyghurlar körgezmide yene, Uyghurlar heqqide neshir qilin'ghan kitab we "kök bayraq" namliq zhurnallarni tarqatti.

9 - Ayning 26 - künidin 10 - ayning 4 - künigiche dawam qilidighan xelq'araliq anatoliye féstiwalining échilish murasimigha 2000 din artuq kishi qatnashti. Féstiwalning échilish murasimida enqere etimesqut rayonluq hökümet bashliqi enwer demirel ependi söz qildi. U sözide Uyghur mesilisi heqqidimu toxtaldi.

Biz körgezme bölmisini aylinip yürüp körgezmige qatnashqan Uyghur, türk we chet'ellikler bilen söhbet ötküzduq.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.