Qeshqer wilayetlik partkomning mu'awin sékrétari abduqéyum memetni ziyaret

Bu munasiwet bilen muxbirimiz bügün qeshqer wilayetlik partkomning mu'awin sékrétari abduqéyum memetni téléfonda ziyaret qilip, qeshqerde yüz bergen yéqinqi weqeler heqqide uchur we pikir igilidi.

Abduqéyum memet weqeni yaman niyetlik kishiler teripidin élip bérilghan térrorluq hujumi dep eyiblidi. Muxbirimizning ziyaritini qobul qilghan dunya Uyghur qurultiyining bayanatchi dilshat rishit bolsa, weqening sewebchisi we heqiqiy qatil xitay hökümiti dep körsetti.

Qeshqerde arqa-arqidin yüz bergen 18-aprél we 22-aprél weqeliri , xitay köchmenliri bilen birlikte xitayning her derijilik rehbiriy organlirinimu endishige saldi.

Xitay j x ministiri ming jyanju 22‏-aprél weqesidin kün kéyin derhal qeshqerge yétip kélip qeshqerning bixeterlik xizmetlirini közdin kechürdi we yéngi weziyetke qarita bir qatar orunlashturushlarni élip bardi.

Biz qeshqer wilayetlik partkomning weqe heqqidiki qarashlirini igilesh üchün, wilayetlik partkomning mu'awin sékrétari abduqéyum memetni ziyaret qilduq.

Dunya Uyghur qurultiyining bayanatchisi dilshat rishit, yéqinqi weqelerni körünüshte gerche Uyghur yashliri qilghan bolsimu, mahiyette weqening sewebkari xitay hökümiti ikenlikini, xitay hökümiti weqelerdin sawaq almay köchmen yötkeshni izchil dawamlashtursa, bu xil xitay köchmenlirige qarshi hujumlarningmu dawamliq yüz bérish éhtimalliqini eskertti.

Dilshat rishit bayanatida öz iradisini normal qanuniy yollar bilen ipadiliyelmigen kishilerning choqum oxshimighan yollar bilen öz iradisini körsitishke mejbur bolidighanliqini, qeshqerdiki yéqinqi ikki weqening mana bu qanuniyetning ispati ikenlikini bildürdi.

Yuqirida qeshqerde xitay köchmenlirining öltürülüsh weqeliri heqqide qeshqer wilayetlik partkom we dunya Uyghur qurultiyining inkasini anglattuq.