5 - Iyul weqesining yene bir yéngi sin xatirisi heqqide

"5 ‏- Iyul weqesi" yüz berginige 5 ay boldi. Gerche weqening seweb - netijiliri dunyagha ashkarilinip bolghan bolsimu, weqening tepsiliy jeryani xelq'aragha bilinishte yenila cheklimige uchrimaqta. Bolupmu weqening xaraktérini eks ettüridighan tepsilatlar cheklenmekte.
Muxbirimiz shohret hoshur
2009-12-11
Share
5-Iyul-Urumqi-namayishidin-bir-korunush-305.jpg Süret, ürümchide yüz bergen 5 - iyul ténchliq namayishidin bir körünüsh bolup, yash uyghur oqughuchilirining quruq qol shuar tawlap namayish qiliwatqan körünüshi.
RFA Anglighuchiliri teminligen.

Namayishta otturigha qoyulghan telep we namayishta towlan'ghan sho'arlarni hazirgha qeder xitay xewer qilghini yoq. Bügün radi'omiz érishken bir sin (widi'o) xatiriside bu heqte bir qisim uchurlar xatirilen'gen.

Körünüshte namayishchilarning shawgu'en weqesini adil bir terep qilishni telep qiliwatqanliqi, shawgu'ende Uyghurlarning urup öltürülüsh weqesi, we buninggha qarita hökümetning qulaq yopuruwélishi qatarliq adaletsizlerge qarita naraziliqi ipadilen'gen.

Bu sin xatirisida zeper binasi, Tian gong guo yüen shirkiti, enjür tamaqxanisi, perhat - shérin hösn tüzesh orni qatarliq wiwiskilar körünüdu. Bu namayishning rabiye qadir soda - sariyi bilen jenubi qowuq yeni nenmén arisidiki bir parchisi ikenliki melum.

Körünüshlerde namayishchilarning qolida héchqandaq nerse yoqluqi, peqet minggha yéqin kishining sho'ar towlawatqanliqi, xitay saqchilirining namayishchilarni qorshawgha élip tutqun qiliwatqanliqi, buninggha qarita namayishchilarning "qoyuwetsun" dep shu'ar towlawatqanliqi körsitilgen.

Körünüshlerdin biride, yash bir ayalning hoshidin ketken haliti we uni bashqilarning qutquzuwatqanliqi we etrapta qéchish we patiparaqchiliq boluwatqanliqini körüwalghini bolidu.
 
Körünüsh we awazlardin qarighanda, bu namayishning jiddiy tehdit astida, emma tinchliq sheklide dawam qiliwatqan bir qismidur. Shundaqla bu yene, xitay axbaratida uchritish mumkin bolmaywatqan parchilardur.

Hörmetlik oqurmenler, xitay hökümiti téléfon yollirini üzüwétish, intérnétni késiwétish, namayishqa a'it ün - sin xatirilirini yighiwélish qatarliq wasitiler bilen, 5 ‏ - iyul weqesining tashqi dunyagha toghra we toluq ashkarilinip kétishini tosmaqta.

Buning bilen birlikte yene, 5 ‏ - iyul weqesini kéyinki basturush heriketlirini yoshurushqa urunmaqta. Emma radi'o anglighuchilirimiz türlük yollar bilen weqening heqiqiy ehwalini dunyagha ashkarilash üchün pidakarliq körsetmekte. Bu programmimizda, namelum bir radi'o anglighuchimiz teripidin ewetilgen sin xatirisidiki melumatlarni silerge sunduq.

Yuqiridiki awaz ulinishidin, bu heqtiki melumatimizning tepsilatini anglaysiler.
 
Anonymous says:
Dec 13, 2009 04:16 PM

Zulum chékdin ﯪshti ....Pichaq söngekke yetti...
Heq égildu sunmaydu....Bizgmu yaxshi kunlerge ﯪzqaldi....

Anonymous says:
Dec 12, 2009 11:01 AM

Widio bek qisqa bolghachqa torgha qoyushqa epsiz bolup qaldi.

Anonymous says:
Dec 12, 2009 12:33 AM

Mushu sinﯫlghu lintisini torgha yollap qoysanglar ﯪdirsini éniq yézip rehmet

Anonymous says:
Dec 12, 2009 01:25 AM

Bolsa filimni bizmu körüp baqsaq...

Anonymous says:
Dec 12, 2009 09:47 AM

Weten ichi we sirtidiki uyghur xelqi emdi özining peqet qoralliq köresh qilish yoli ﯪrqiliqla wetenni qutquzup ﯪlalaydighanliqini heqiqi tonup yetti,
Shundaqla qoralliq köreshning birdin bir uyghur xelqi üchün wijdan yoli ikenlikini toluq hés qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet