Türkiye jumhuriyiti re'isi abdullah gül Uyghur diyarigha barmaqchi

Türkiye radyo téléwizye idarisi yéngidin tesis qilghan `trt awaz qanili` 3 - ayning 21 - künidin bashlap, ottura asya türkiy jumhuriyetliri, sabiq yügoslawiyidin ayrilip chiqqan jumhuriyetler we kawkaziyige qaritilghan suni hemra tarqitishini bashlighan bolup, türkiye reis jumhuri abdullah gül qanalning échilish murasimida.

Xewerde türkiye jumhuriyiti re'isi abdullah gülning 6 - ayning 23 - künidin 29 - künigiche köp kishidin terkip tapqan bir hey'et bilen xitayda resmiy ziyaret élip baridighanliqi, bu qétimqi ziyarette ikki dölet otturisida tüzülgen iqtisadiy hemkarliq toxtamnamisigha qol qoyulidighanliqi yézilghan.

Xewerde türkiye re'isi abdullah gülning xitaygha élip baridighan ziyaritining béyjingdin bashlap, shinjyang Uyghur aptonom rayonida axirlishidighanliqi yézilghan.  

"Sabah" gézitide 6 - ayning 15 - küni élan qilin'ghan xewerde yene, türkiyining xitaygha pirsentlik zayom sétishni oylawatqanliqi, shunga türkiye jumhuriyiti re'isi abdullah gülning xitaygha élip barmaqchi bolghan bu ziyaritining intayin muhim ikenliki ilgiri sürülgen. Shunga abdulla gülning bu qétimqi ziyaritige iqtisadqa mes'ul dölet ministiri we tashqi tijaretke mes'ul aliy rehberlermu qatnishidighanliqi yézilghan.

Bu, tunji qétim bir türkiye jumhuriyiti re'isining Uyghur diyarigha élip barghan ziyariti bolidu. Ishenchilik menbelerdin alghan melumatlargha qarighanda, sabiq re'is jumhuri turghut öz'al we sulayman démireller xitaygha élip barghan ziyariti jeryanida Uyghur diyarigha bérishni telep qilghan bolsimu, xitaylar qobul qilmighan iken.

Biz bu ziyaret heqqide köz qarishini élish üchün türkiye ege uniwérsitéti oqutquchisi proféssor doktor alimjan inayet we türkiye - xitay munasiwiti mutexessisi türkiye adnan menderes uniwérsitéti oqutquchisi doktor selchuq cholaq'oghlu bilen söhbet élip barduq.

Yuqiridiki awaz ulinishidin, bu söhbet xatirisining tepsilatini anglaysiler.