Abduréhim hajim töge we uning ish - izliri

Ana wetendin ayrilip, musapirliq derdide dunyaning her qaysi jaylirigha bérip panahlan'ghan Uyghurlarning sergüzeshtiliri her xil bolup, se'udi erebistanigha kélip yerliship qalghan Uyghurlarning qiziqarliq sergüzeshtiliri bardur. Abduréhim hajim tögimu shularning qataridin idi.
Muxbirimiz ömerjan toxti
2010.06.03

Se'udi erebistanining mekke mukerreme shehiride turushluq ehmed mömin ependi bu heqtiki söhbitimizni qobul qilghan idi.

Ehmed mömin ependi bilen söhbet

Ehmed mömin ependi abduréhim hajim tögini tonushturup mundaq dédi: "abduréhim hajim töge 1949 - yili ana wetendin qéchip chiqip, 1950 - yilliri se'udi erebistanigha kélip yerliship qalghan iken. Men bu ademni 1980 - yili tunji qétim kirginimde 60 yashlar chamisida körgen idim. Xosh söhbetlik, chiqishqaq we kichik pé'il kishi bolup, béshidin ötkenliri we Uyghurlar heqqide ibretlik qissilerni sözlep béretti."

Abduréhim hajim tögining se'udi erebistandiki hayati

Ehmed mömin ependi abduréhim hajim tögining se'udi erebistandiki hayati heqqide toxtilip mundaq dédi: " abduréhim hajim töge se'udi erebistandiki köp sanliq Uyghurlargha nisbeten oqumushluq, angliq we sewiyilik kishilerning biri idi. Özi kitab xumar bolup, bashqilarda tépilmighan Uyghurche kitablarning tolisi bu kishining öyidiki kitabxanisidin tépilar idi. Hetta wetende emdi neshrdin chiqqan yéngi kitablarmu bu ademning kitabxanisidin tépilatti. Bu kishi se'udi erebistanining ta'if shehirige yerliship qalghan bolup, sheher merkizide dukan achatti."

Abduréhim hajim tögining wetenperwerliki

Ehmed mömin ependining éytishiche, abduréhim hajim töge xuddi muhajirettiki bashqa Uyghurlargha oxshash hemishe ana wetenning ghémini yeydighan, Uyghurlardin yardemge muhtajlargha yardem qilidighan, yétimlarning béshini silaydighan, xeyr  - saxawetlik kishilerdin biri iken. U kishini bilidighanlar hemishe uning yaxshiliqlirini sözleydiken we ish - izlirini maxtaydiken.

Abduréhim hajim tögining wapati

Ehmed mömin ependining éytishiche, abduréhim hajim töge se'udi erebistandiki hayati ömrining axirighiche öz waqtida Uyghurlar eng köp yerleshken rayon ta'if shehiride ötküzüp 1993 - yili shujayda wapat bolghan iken.

Yuqiridiki awaz ulinishidin, bu heqtiki melumatimizning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.