Abduweli tursun ependining Uyghur ma'aripining bügünki ehwali we kélechiki heqqidiki qarashliri

Abduwéli tursun ependining “Uyghur milliy ma'aripi we Uyghurlarning kelgüsi” témisida bergen doklati yighin ehlining qattiq diqqet-étibarini qozghidi.
Ixtiyariy muxbirimiz erkin tarim
2011.06.23
abduweli-tursun-305.jpg Uzun yilliq edebiyat oqutquchisi abduweli tursun ependi “Uyghur milliy ma'aripi we Uyghurlarning kelgüsi” témisida doklat berdi. 2011-Yili 18-iyun.
RFA/Erkin Tarim

6-Ayning 18-19-künliri istanbulda échilghan üchinchi nöwetlik “Uyghur pen-ma'aripi we Uyghurlarning kélechiki” mawzuluq ilmiy muhakime yighinida amérika, gérmaniye, shwétsiye, shwétsariye we türkiyidin bolup 16 Uyghur tetqiqatchi we mutexessis ilmiy doklat bergen idi.

Bu doklatlar ichide ürümchi 16-ottura mektep oqutquchisi abduwéli tursun ependining “Uyghur milliy ma'aripi we Uyghurlarning kelgüsi” témisida bergen doklati yighin ehlining qattiq diqqet-étibarini qozghidi. Abduwéli tursun ependi qilghan sözide Uyghur élide élip bériliwatqan qosh tilliq ma'arip siyasitining emeliyette Uyghur tilining mewjutluqi we kélechikige nisbeten zor tehdit ikenlikini öz közi bilen körgen hem hés qilghan misallar bilen bayan qilip ötti.

U doklatida Uyghurlarning bundaq bir weziyet astida némilerni qilishi kérekliki heqqidiki konkrét teklip-pikirlirinimu otturigha qoydi. U sözide yene bügün Uyghur diyarida Uyghur tilida toluq oqu-oqutush élip bériwatqan birmu mektep qalmighanliqi, hetta yeslilerdimu xitayche ögitiwatqanliqini, köpligen Uyghur mu'ellimlirining “Xenzu tilida ders bérelmidi ” dep ishtin chiqirilghanliqi, xelqning Uyghur tili we ma'aripining intayin éghir xewp astida qaldi dep endishe qiliwatqanliqini otturigha qoydi.

Töwende ürümchi 16-ottura mektep oqutquchisi abduweli tursunning istanbulda ötküzülgen üchinchi nöwetlik “Uyghur pen-ma'aripi we Uyghurlarning kélechiki” mawzuluq ilmiy muhakime yighinida qilghan sözi heqqide özi bilen élip barghan söhbitimizni anglitimiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.