Америка һөкүмити буниңдин кейин 'терроризмға қарши уруш' дегән аталғуни қолланмайду

Бүгүн 3‏ - айниң 31‏ - күни, голландийиниң гага шәһиридә (голладийиликләр өзлири 'дән хак' дәп атайдиған шәһәрдә) афғанистан мәсилиси бойичә хәлқаралиқ йиғин ечилди. Ройтерс агентлиқиниң баян қилишичә, бу бир күнлүк хәлқаралиқ йиғинға 90 дөләт вә хәлқара тәшкилат вәкиллири кәлди.
Мухбиримиз вәли
2009-03-31
Share
UN-Afghan-Karzay-305 Афған президенти хамид карзай бүбүн голландийиниң һагда өткүзүлгән афғанистанға йардәм бериш йиғинида сәһнидә.
www.state.gov Дин елинди.

Бу йиғинға б д т ниң баш катипи банкимон вә голландийиниң ташқи ишлар министири риясәтчилик қилди. Йиғинда афғанистан президенти хәмит карзай, америка ташқи ишлар министири хиллари килинтон қатарлиқ кишиләр сөз қилди. Бу йиғинда һәрбий қисим вә уруш расхоти мәсилиси әмәс, бәлки афғанистанни қайтиидин қуруш мәсилиси бойичә пикир бирлики һасил қилинди.

Хәмит карзай 'дуня әмди террорчиларниң һәр қандақ җайда панаһлинип туруверишиға сүкүт қилмаслиқи керәк' деди

Америка авазниң баян қилишичә, афғанистан президенти хәмит карзай бу йиғинда сөз қилип 'йеңи йилдин буян афғанистанда көзгә көрүнәрлик нәтиҗиләр барлиққа кәлгән болсиму, әмма һазир афғанистан йәнила хәлқараниң җиддий ярдимигә муһтаҗ. Афғанистан һазир икки йолниң кесишкән йеридә туриватиду, бүгүнки бу йиғин афғанистанниң илгирилишидә һәл қилғуч рол ойнайду. Дуня әмди террорчиларниң һәр қандақ җайда панаһлинип туруверишигә сүкүт қилмаслиқи керәк' деди.

Хилари килинтон билән мәди ақунзадниң сөһбити

'Вашингтон пост гезити' ниң баян қилишичә, афғанистанниң муавин ташқи ишлар министири моһәммәд мәди ақунзад йиғин ечилиштин бурун америка ташқи ишлар министири хиллари клинтон билән учрашқанда афғанистанда һазирға қәдәр чоң өзгириш пәйда қилалмиған чәтәл қошунлири, буниңдин кейин һәр қанчә көпәйтилисиму, йәнила тәсир көрситәлмәйду. Афғанистан хәлқи өзиниң дөлитини башқа һәр қандақ кишидин яхши билиду. Һазир бу районда йәнә қорчақ һөкүмәт тикләш хаһиши өрләп қалди ' дегән. Хиллари килинтон униңға афғанистанниң америка билән ирандин ибарәт бу икки дөләт билән болған һәмкарлиқини яхшилишини үмид қилимән, буниң үчүн америка йол ечип бериду' дегән.

Хиллири килинтон йиғинда 'йәр шари характерлиқ терроризмға қарши уруш ахирлашти' дәп җакарлиди

Бирләшмә агентлиқиниң баян қилишичә, хиллири килинтон бу йиғинда қилған сөзидә 'йәр шари характерлиқ терроризмға қарши уруш" дегән сөз ахирлашти, буниңдин кейин америка һөкүмити бу аталғуни қолланмайду' дәп җакарлиди.

Франсийә афғанистанға беридиған ярдимини төт һәссә көпәйтишкә тәйяр

Хәвәрдә баян қилинишичә йәнә, франсийә ташқи ишлар министирликиниң баянатчиси ерик шеваллир бүгүнки баянатида 'франсийә әмди афғанистанниң ғәйри һәрбий органлириға беридиған ярдимини төт һәссә көпәйтишкә тәйяр ' дәп җакарлиди.

Җуңго һөкүмити хәлқара җәмийәтни афғанистанниң муқимлиқини сақлашқа чақирмақта

Шинхуа агентлиқиниң гагадин тарқатқан хәвиридә, гагада ечилған бу хәлқара лиқ йиғинда, 80 дин артуқ дөләт вәкиллири афғанистанниң бихәтәрлики вә муқимлиқини сақлаш үчүн қандақ сиясәт қоллиниш һәққидә ойлашти, йиғинда, афғанистанни қайтидин қуруш, зәһәрлик чекимликкә вә талибанларға зәрбә бериш мәсилилири музакирә қилиндис. Буниңдин кейин америка һәр қайси дөләтләрни афғанистанға әскәр чиқиришқа яки пул ианә қилишқа чақирмайду, дәп баян қилди.

Шинхуа агентлиқиниң бейҗиңдин тарқатқан хәвиридә , хитай ташқи ишлар министирликиниң баянатчиси чингаң бүгүнки баянатида 'һазир афғанистанниң ички вәзийити икки йолниң кесишкән йеридә һәл қилғуч өткәлгә келип қалди, буниң үчүн җуңго һөкүмити хәлқара җәмийәтни афғанистанниң муқимлиқини сақлашқа чақириду' дәп баян қилди.

Афғанистанда муқимлиқни сақлаш үчүн хитай билән русийә бирликтә һәрикәт қолланмақчи

Америка авазниң баян қилишичә, америка обама һөкүмити афғанистан мәсилиси тоғрисидики йеңи сияситини елан қилған һаман, хитай билән русийә москвада шаңхәй һәмкарлиқ тәшкилатиниң али дәриҗилик учришиш йиғини ачти. Йиғинға б д т ниң, натониң вә иран қатарлиқ дөләтләрниң юқири дәриҗилик әмәлдарлирини тәклип қилди.

Йиғинда хитай билән русийә бирликтә зәһәрлик чекимликкә, террорчилиққа, гуруһларниң җинайәт садир қилишиға қарши туруш вә афғанистанниң бихәтәрликини сақлаш үчүн бир қатар һәрикәт қоллинидиғанлиқини, бу мәқсәт үчүн, хитай билән русийә бу йил язда йәнә хитай чегриси ичидә бирләшмә һәрбий маневир өткүзүдиғанлиқини җакарлиди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт