Amérika hökümiti buningdin kéyin 'térrorizmgha qarshi urush' dégen atalghuni qollanmaydu

Bügün 3‏ - ayning 31‏ - küni, gollandiyining gaga shehiride (golladiyilikler özliri 'den xak' dep ataydighan sheherde) afghanistan mesilisi boyiche xelq'araliq yighin échildi. Roytérs agéntliqining bayan qilishiche, bu bir künlük xelq'araliq yighin'gha 90 dölet we xelq'ara teshkilat wekilliri keldi.
Muxbirimiz weli
2009-03-31
Share
UN-Afghan-Karzay-305 Afghan prézidénti xamid karzay bübün gollandiyining hagda ötküzülgen afghanistangha yardem bérish yighinida sehnide.
www.state.gov Din élindi.

Bu yighin'gha b d t ning bash katipi bankimon we gollandiyining tashqi ishlar ministiri riyasetchilik qildi. Yighinda afghanistan prézidénti xemit karzay, amérika tashqi ishlar ministiri xillari kilinton qatarliq kishiler söz qildi. Bu yighinda herbiy qisim we urush rasxoti mesilisi emes, belki afghanistanni qayti'idin qurush mesilisi boyiche pikir birliki hasil qilindi.

Xemit karzay 'dunya emdi térrorchilarning her qandaq jayda panahlinip turuwérishigha süküt qilmasliqi kérek' dédi

Amérika awazning bayan qilishiche, afghanistan prézidénti xemit karzay bu yighinda söz qilip 'yéngi yildin buyan afghanistanda közge körünerlik netijiler barliqqa kelgen bolsimu, emma hazir afghanistan yenila xelq'araning jiddiy yardimige muhtaj. Afghanistan hazir ikki yolning késishken yéride turiwatidu, bügünki bu yighin afghanistanning ilgirilishide hel qilghuch rol oynaydu. Dunya emdi térrorchilarning her qandaq jayda panahlinip turuwérishige süküt qilmasliqi kérek' dédi.

Xilari kilinton bilen medi aqunzadning söhbiti

'Washin'gton post géziti' ning bayan qilishiche, afghanistanning mu'awin tashqi ishlar ministiri mohemmed medi aqunzad yighin échilishtin burun amérika tashqi ishlar ministiri xillari klinton bilen uchrashqanda afghanistanda hazirgha qeder chong özgirish peyda qilalmighan chet'el qoshunliri, buningdin kéyin her qanche köpeytilisimu, yenila tesir körsitelmeydu. Afghanistan xelqi özining dölitini bashqa her qandaq kishidin yaxshi bilidu. Hazir bu rayonda yene qorchaq hökümet tiklesh xahishi örlep qaldi ' dégen. Xillari kilinton uninggha afghanistanning amérika bilen irandin ibaret bu ikki dölet bilen bolghan hemkarliqini yaxshilishini ümid qilimen, buning üchün amérika yol échip béridu' dégen.

Xilliri kilinton yighinda 'yer shari xaraktérliq térrorizmgha qarshi urush axirlashti' dep jakarlidi

Birleshme agéntliqining bayan qilishiche, xilliri kilinton bu yighinda qilghan sözide 'yer shari xaraktérliq térrorizmgha qarshi urush" dégen söz axirlashti, buningdin kéyin amérika hökümiti bu atalghuni qollanmaydu' dep jakarlidi.

Fransiye afghanistan'gha béridighan yardimini töt hesse köpeytishke teyyar

Xewerde bayan qilinishiche yene, fransiye tashqi ishlar ministirlikining bayanatchisi érik shéwallir bügünki bayanatida 'fransiye emdi afghanistanning gheyri herbiy organlirigha béridighan yardimini töt hesse köpeytishke teyyar ' dep jakarlidi.

Junggo hökümiti xelq'ara jem'iyetni afghanistanning muqimliqini saqlashqa chaqirmaqta

Shinxu'a agéntliqining gagadin tarqatqan xewiride, gagada échilghan bu xelq'ara liq yighinda, 80 din artuq dölet wekilliri afghanistanning bixeterliki we muqimliqini saqlash üchün qandaq siyaset qollinish heqqide oylashti, yighinda, afghanistanni qaytidin qurush, zeherlik chékimlikke we talibanlargha zerbe bérish mesililiri muzakire qilindis. Buningdin kéyin amérika her qaysi döletlerni afghanistan'gha esker chiqirishqa yaki pul i'ane qilishqa chaqirmaydu, dep bayan qildi.

Shinxu'a agéntliqining béyjingdin tarqatqan xewiride , xitay tashqi ishlar ministirlikining bayanatchisi chin'gang bügünki bayanatida 'hazir afghanistanning ichki weziyiti ikki yolning késishken yéride hel qilghuch ötkelge kélip qaldi, buning üchün junggo hökümiti xelq'ara jem'iyetni afghanistanning muqimliqini saqlashqa chaqiridu' dep bayan qildi.

Afghanistanda muqimliqni saqlash üchün xitay bilen rusiye birlikte heriket qollanmaqchi

Amérika awazning bayan qilishiche, amérika obama hökümiti afghanistan mesilisi toghrisidiki yéngi siyasitini élan qilghan haman, xitay bilen rusiye moskwada shangxey hemkarliq teshkilatining ali derijilik uchrishish yighini achti. Yighin'gha b d t ning, natoning we iran qatarliq döletlerning yuqiri derijilik emeldarlirini teklip qildi.

Yighinda xitay bilen rusiye birlikte zeherlik chékimlikke, térrorchiliqqa, guruhlarning jinayet sadir qilishigha qarshi turush we afghanistanning bixeterlikini saqlash üchün bir qatar heriket qollinidighanliqini, bu meqset üchün, xitay bilen rusiye bu yil yazda yene xitay chégrisi ichide birleshme herbiy manéwir ötküzüdighanliqini jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet