Qirghizistan bash ministiri almazbék atambayéf: türkiye-rusiye we qirghizistan iqtisadiy birlik qurushi kérek

Bu yighin'gha köp sanda türk we türkiyide turushluq chet'ellik muxbirlar qatnashti. Yighin istratégiyilik chüshenche institutining mudiri prof. Dr. Yasin aqtay ependining échilish nutqi bilen bashlandi. Arqidin, doktor erkin ekrem ependi “Qirghizistan-türkiye otturisidiki munasiwetler we ikki dölet xelqining yéqinliqi” mawzuluq bir doklat berdi.

RFA/Erkin Tarim

Dr. Erkin ekremning doklati axirlashqandin kéyin qirghizistan bash ministiri almazbék atambayéf muxbirlarning so'aligha jawab berdi. U bir muxbirning qirghizistanning tashqi siyasiti toghrisidiki bir so'aligha jawab bérip mundaq dédi: rusiye bizning istratégiyilik shérikimiz. Yawropa birliki türkiye bilen rusiyini qobul qilmaydu. Shunga, türkiye, rusiye we qirghizistan iqtisadiy birlik qurup chiqishi kérek.

Qirghizistan bash ministiri almazbék atambayéf sözliride xitay dölitini tilgha almidi. Biraq, u erkin ekrem bilen bolghan sözide Uyghurlarning qirghizlar bilen qérindash ikenlikini tekitligen.

Almazbék atambayéfning bu qétimqi pa'aliyiti we türkiye ziyariti heqqide erkin ekrem we yawro-asiya istratégiye tetqiqat merkizi mutexessisi doktor memet seyfettin érol ependiler bilen öz köz qarashlirini otturigha qoydi.