Америка иқтисади яхшилинишқа йүзләнмәктә

Чаршәнбә күни елан қилинған америкидики иқтисади учур мәнбәлириниң санлиқ мәлуматлиридин мәлум болушичә, 2010 - йили америка иқтисади өрләш басқучиға киргән.
Мухбиримиз миһрибан
2010.01.07
Amerika-pay-chek-baziri-kochisi-305.jpg Сүрәт, америкиниң нйойорк шәһридики валл стирит көчисиға җайлашқан байчек базири бинасидин бир көрүнүш.
www.ocregister.com Дин елинди.

Иқтисади учур мәнбәлириниң ашкарилишичә, бу мәлумат, 2007 - йилдин башлап үзлүксиз өрләватқан америкидики ишсизлиқ нисбитиниң 2009 - йили 12 - айға кәлгәндә көрүнәрлик дәриҗидә төвәнләшкә йүзлинип, истемал базирида өрләш ипадилиниватқан санлиқ мәлуматларға асасән йәкүнләнгән икән.

Америка авази радио истансисиниң түнүгүнки хәвиридин мәлум болушичә, чаршәнбә күни америкидики а д п намидики ширкәтләргә хизмәтчи тонуштуруш мулазимәт ширкитиниң 2009 - йили 12 - айдики иш орнидин қалдурулған хизмәтчиләр сани елан қилинған болуп, мәлуматта көрситилишичә 2009 - йили 12 - ай ичидә шәхсий ширкәтләр қисқартқан хизмәтчиләрниң сани 84 миң нәпәргә йәткән. Бу сан 2009 - йили 11 - ай мәзгилидә иш орнидин қалдурулған 145 миңға селиштурулғанда көрүнәрлик азайған. Мутәхәссисләрниң қаришичә бу санлиқ мәлумат ширкәтләр хизмәтчиләрни қисқартишни башлиған 2008 - йили 3 - айдин буянқи әң төвән нисбәт икән.

Америка әмгәк мулазимәт министирликиниң санлиқ мәлумати болса ишқа орунлашқанлар санини асас қилған болуп, америка әмгәк базири истратегийә мәслиһәтчиси томмй лее әпәнди америка авази радио истансисиниң зияритини қобул қилғинида, америкида ишқа орунлишиш пурситиниң көпийиватқанлиқи һәққидә тохтилип, "2009 - йили 12 - ай мәзгилидә әмгәк базирида 40 миң кишигә ишқа орунлишиш пурсити болди , вақитлиқ ишқа орунлашқанлар сани һәм хизмәтчиләрниң иш вақти көпәйтилди, бу ай ичидә ишсизлиқ суғуртисиға илтимас қилғанлар саниму көрүнәрлик азайди. Әмәлийәт шуни испатлидики биз адәттә тәкитләватқан әмгәк базиридики яхшилиништа ипадилинидиған аламәтләрниң һәммиси 12 - айлиқ санлиқ мәлуматта әкс әтти," дәп көрсәткән.

Кәспи мулазимәт ширкити с г с ниң тәкшүрүш доклатидиму америкиниң әмгәк базирида яхшилиниш болғанлиқи әкс әттүрүлгән болуп, бултур 12 - ай мәзгилидә америка ширкәтлири иштин бошатқан хизмәтчиләр сани 45 миң 94 нәпәр болған болуп, бу бултур 11 - мәзгилидин 10% азайған. Бу, 2007 - йили 12 - айдин буянқи иқтисад чекинишкә башлиған мәзгил ичидики әң төвән сан һесаблинидикән.

Булардин башқа йәнә америка истемал базирида бултур 12 - ай мәзгилидә мал сетивалғучилар сани көрүнәрлик ашқан болуп, мал сетивелиш нисбити 17.7% Ашқан, бу америка пуқралириниң йиллардики охшаш мәзгилдики сетивелиш нисбитидин 2% ашқан. Хәвәрләрдин мәлум болушичә өткән чаршәнбә күни көп хил амилларниң түрткиси астида америка пай чеки базиридиму омумий йүзлүк өрләш болған.

Америка дөләт байлиқи банкисиниң иқтисади мәслиһәтчиси адам йоркниң билдүрүшичә, америка истемал базиридики бу өрләш өткән 6 айдин буянқи әң юқири мәлумат болуп, бу америка иқтисадиниң яхшилинишқа қарап йүзлиниватқанлиқиниң бешарити икән.

Чаршәнбә күни америкиниң аммиви мулазимәт базиридинму америка иқтисадиниң яхшилинишқа қарап йүзлиниватқанлиқи һәққидики санлиқ мәлуматлар келишкә башлиған болуп, иқтисадий мулазимәт җәмийити и с м ниң доклатида көрситилишичә, магизинларниң мал киргүзүш нисбити бултур 11 - айдики 48.7% Нисбәттин дин 50.1% Нисбәткә өрлигән болуп, мал киргүзүш нисбитиниң 50 тин юқири болуши иқтисадниң өрлигәнликиниң бишарити икән.

Йеңидин башқа мулазимәт саһәлиридә ишқа орунлишиш нисбити 41.6% Тин 44% кә йәткән. 2008 - Йили 5 - айдин башлап мулазимәт саһәлиридики ишқа орунлишиш нисбити 50% тин төвән болуп келиватқан болуп, һазир бу нисбәт өрләшкә қарап йүзлиниветипту.

Америка дөләт байлиқи банкисиниң иқтисади мәслиһәтчиси адам йорк бу йиллиқ иқтисадқа баһа берип, 2009 - йилниң 4 - пәслидә америка иқтисадиниң 4% тин 5% кичә өрлигәнликини, мушу бойичә мөлчәрлигәндә 2010 йили америка иқтисадида 2% әтрапида өрләш болиши мумкинликини , буниң билән әмгәк базирида ишқа орунлишиш нисбитиниңму өрләйдиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.