Америкида қоллиниливатқан террорчилиқтин сақлиниш тәдбирлири дуняға кеңийиватиду

Америкида 2010 ‏- йили , айрупилан партлитишқа урунуш вәқәсини тәкшүрүшкә киришиш билән башланди. С н н ниң баян қилишичә, негирийилик бир әр ‏-‏-‏- 23 яшлиқ умар фаруқ абдулмуталлап 2009‏- йили 25‏- декабир күни, америкида кристимис байрими күни айрупилан партлитишқа урунди.
Мухбиримиз вәли
2010.01.04
Share on WhatsApp
Share on WhatsApp
Rodjistiwa-bayrimidiki-terrorluq-hujum-305.jpg Сүрәт, 2009‏- йили 25‏- декабир күни, америкида кристимис байрими күни айрупилан партлитишқа урунуп тутулуп қалған негирийилик бир әр ‏-‏-‏- 23 йашлиқ умар фаруқ абдулмуталлап тоғрисидики хәвәрләрдин бири.
www.cbsnews.com Дин елинди.

Умар фаруқ абдулмуталлап, негирийидин айрупиланға чиқип, амустердамда америкиниң ғәрбий шимал һава қатниши ширкитиниң айрупиланиға алмашти. Айрупилан америкиниң детрой айродромиға қонушқа йерим саәт қалғанда, у ич тамбилиға қачилиғанPETN бәлгилик өткүр партлиғуч дорисиға окул йиңниси билән суюқлуқ киргүзүватқанда, ис чиқишқа башлиди. Униң әтрапидики йолучилар өзи көйүп яриланған бу җинайәт гумандарини дәрһал қоршивалди. Айрупилан хизмәтчилири йениватқан отни өчүрүвалди. Шуниң билән айрупиландики 278 нәпәр юлучиниң һаяти йүз бәргүси айрупилан қазасидин сақлап қелинди.

Вәқә йүз бәргәндин кейин, һунунулу араллирида дәм еливатқан америка президенти омаба, бу вәқәни дәрһал тәкшөрөп ениқлаш тоғрисида буйруқ чүшүрди.

Негирийилик абдулмуталлап айрупилан партлитишни әл қаидичиләрниң тапшуруқи билән қилған

Хәвәрдә баян қилинишичә йәнә, җинайәт гумандари негирийилик әр сақчилар сорақ қилғанда, бу ишни әл қаидичиләрниң тапшуруқи билән қилғанлиқини иқрар қилди.

Обама 'бу вәқәниң кәйнидики қара қол ‏-‏-‏- әл қаидичиләр' дәп җакарлиди

Мәркизи агентлиқиниң баян қилишичә, америка президенти обама йеңи йил нутқида, бу қетим йүз бәргән негирийилик бир әрниң айрупилан партлитишқа орунуш вәқәси, америкиниң дөләт ичи бихәтәрлик идарисиға 11‏ - сентәбир террорлуқ вәқәсидин кейин берилгән йәнә бир қетимлиқ агаһландуруш сегнали, бу вәқәниң кәйнидики қара қол --- әл қаидичиләр, дәп җакарлиди.  

Америка, әнгилийә, франсийиләр бүгүн йәмәндики әлчиханисини тақиди

Америка авазиниң баян қилишичә, америка вә әнгилийә бүгүн йәнә йәмәндики әлчиханисини тақиди. Франсийиму бүгүн йәмәндики әлчиханисини тақайдиғанлиқини җакарлиди.

Америка CBS телевизийә истансисиниң мухбирлири ақсарайда  'бу, әмди йәмәнниң террочилиққа қарши урушниң йеңи сепи болуп қалидиғанлиқидин дерәк берәмду? дәп соралғанда, обаманиң бихәтәрлик мәслиһәтчиси уларға 'йәмән хелидин буян дуня җиддий көзүтүватқан район иди' дәп җаваб бәрди.

Америка, әнгилийә һазир йәмәнниң һәрбий қисимлирини тәрбийиләшкә башлиди

Б б с ниң баян қилишичә, америка, әнгилийә һазир мәбләғ аҗритип, йәмәнниң террорчилиққа қарши туруш қисимлирини тәрбийиләшкә башлиди.

Йәмән ташқи ишлар министирлиқи бүгүн 'террорчилиқ пүтүн инсанийәтниң ортақ дүшмини' дәп җакарлиди

Шинхуа агентлиқиниң баян қилишичә, йәмән ташқи ишлар министирлиқи бүгүн, террорчилиқ пүтүн инсанийәтниң ортақ дүшмини, биз чуқум уни йелтизидин йоқитишимиз керәк, худди франсийиниң сабиқ президенти ширак ейтқандәк, террорчилиққа қарши турушта һәмкарлишип бирликтә һәрикәт қилишимиз керәк, дәп җакарлиди.

Йәмәндики қораллиқ шиәчиләр , сәуди әрәбистаниниң урушчи айрупиланлири йәмән чегрисидики районларға һуҗум қилди, дәп җакарлиди

Америка авазиниң баян қилишичә, йәмәндики қораллиқ шиәчиләр бүгүн, сәуди әрәбистаниниң урушчи айрупиланлири йәмән - сәуди чегрисики районларға һуҗум қилип 16 пуқрани өлтүрди, буниңдин икки күн бурун 10 адәмни өлтүргән иди, дәп җакарлиди.

Америка һазир йәмән қатарлиқ 14 дөләттин келидиған йолучиларға қарита, пүтүн бәдининиң шәклини чүшүрүп тәкшүрүш тәдбирини қолланмақта

С н н ниң баян қилишичә, америка қатнаш бихәтәрлики идариси түнүгүн, америкиға келидиған йолучилар буниңдин кейин, пүтүн бәдининиң шәклини чүшүрүп тәкшүридиған илғар әсваплар билән тәкшүрүлидиғанлидиғанлиқини җакарлиған иди. Бу тәдбир бүгүндин башлап америкидики һәр қайси айродромларда қоллинилишқа башлиди. Башқа дөләтләрниң айродромлириму һазир, бундақ илғар әсвапларни қоллинишни тәләп қилмақта.

Ройтрс агентлиқиниң ашкарилишичә, америка түнүгүн негирийә, йәмән, пакистан, сәуди әрәбистани, афғанистан, алҗирийә, ирақ, ливан, ливийә, сомали қатарлиқ дөләтләрдин америкиға келидиған йолучиларни, чегирида пүтүн бәдининиң шәклини чүшүрүп, йүк-тақлирини ахтуруп тәпсилий тәкшүрүш тәдбирини қоллинидиғанлиқини бәлгилигән. Куба, иран, содан, сүрийиләрни 'террорчиларни тәминләватқан дөләт ' тизимликигә киргүзгән.

Хитайму 'террорчилиққа қарши туруш' дегән нам билән уйғурларни бастурушни давамлаштуруш үчүн незам түзди

Хитайму һазир 'террорчилиққа қарши туруш' дегән нам билән уйғурларни бастурушни давамлаштуруш үчүн, хитайниң уйғур аптоном районлуқ хәлқ қурултейи арқилиқ һәрхил намдики қанунларни түзүп чиқти.

Шинхуа агентлиқиниң шинҗаң хәвәр торида баян қилинишичә, йеңи йил һарписида, йәни 2009‏ - йил 12 ‏- айниң 29‏- күни мақулланған "аптоном районниң җәмийәт аманлиқини түзәш незами"да, хитайниң дөләт пуқралири қанунға хилап җинайи қилмишларға қарши көрәш қилип өлсә, униңға 'инқилабий қурбан' унвани берилиду, уларниң аилә тәвәлири нәпиқигә игә болиду; қанунға хилап җинайи қилмишларға қарши көрәш қилип иш вақтиға дәхл йәткән болса, ишлигән, дәп һесаблинип иш һәққи берилиду; яриланған болса, һәр қандақ давалаш оргини уларни шәртсиз давалайду, униң чиқимини, һөкүмәт мәсул болуп, қанунға хилап җинайи садир қилғучидин түлитип алиду, дәп бәлгиләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт