Америка - тәйвән - хитай мунасивәтлири һәққидә мулаһизә

Америка мудапиә министирлиқиниң тәйвәнгә "вәтәнпәрвәр - 3" тииплиқ башқурулидиған бомба сетип беришни қарар қилғанлиқи тәәйвәнликләрни хатирҗәм қилди. Әмма хитай һөкүмити америкиниң бу һәрикитини қаттиқ тәнқидләп, америкиниң икки дөләт мунасивитигә қаттиқ тәсир йәткүзүватқанлиқини илгири сүрди.
Мухбиримиз ирадә
2010.01.08
Dr-Erkin-Ekerm-305 Сүрәт, др. Әркин әкрәмниң мухбиримизниң зийаритини қобул қиливатқан көрүнүши.
RFA Photo / Erkin Tarim

Хитайниң бәзи мутәхәсислири болса, хитайниң әмди америкиға "өзини көрситип қойидиған" вақтиниң кәлгәнликини билдүргән.

Хитай ташқи ишлар министирлиқи бүгүн баянат берип, америкиниң тәйвәнгә "вәтәнпәрвәр - 3" тииплиқ башқурулидиған бомбини сетип бериш қарарини қаттиқ тәнқид қилди. Улар хитайниң тәйвәнгә тутқан бу позитсийиниң тәврәнмәс икәнликини, америкиниң бу һәрикитиниң икки дөләт мунасивитигә еғир зиян йәткүзидиғанлиқини ейитти.

Бу һәқтә б б с ниң хитай тилида елан қилған хәвәрлиридин мәлум болушичә, хитайниң бәзи иситратегийә мутәхәсисслири америкиниң бундақ қилишиниң ахири берип америкиниң өзигә зиян елип келидиғанлиқини илгири сүргән. Улар, хитай һөкүмитиниң америкиниң бу қилғинини һәргиз бундақла өткүзүвәтмәслик керәкликини, тәйвәнгә қорал сатқан ширкәтләрниң хитайдики базирини бузғунчилиққа учритип, уларни иқтисадий җәһәттин зиян татқузуш керәкликини ейтса, йәнә бәзилири хитайниң әмди америкиға қарита низам түзәйдиған вақти кәлди, дегәндәк сөзләрни қилған.

Түркийидики иситратегийә мутәхәссиси әркин әкрәм әпәнди болса, хитай мутәхәсссилириниң бу сөзлириниң әмәлийәткә айланмайдиғанлиқини, чүнки бундақ қилған тәқдирдә зиянниң чоңини йәнила хитайниң тартидиғанлиқини ейитип, тәйвән мәсилисиниң асан һәл болидиған мәсилә әмәсликини билдүрди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.