Xitay emeldarlirining yéngi modisi: 'amérikining yéshil kartini élish'

Xitay köchmenlirining amérika we kanada qatarliq döletlerge kélip olturaqliship qélish nisbiti ezeldin yuqiri. Xewerlerdin qarighanda, yéqinda xitayda pul tapqan baylarda amérikining yéshil kartini élish dolquni kötürülgen bolup, pullirini amérika bankilirigha qoyush arqiliq meblegh salghuchi salahiyitide yéshil kart alidighan xitay baylirining sani yildin - yilgha köpeymekte iken.
Muxbirimiz irade
2009-12-29
Élxet
Pikir
Share
Print
Süret, amérika köchmenler idarisining tor bétidiki her xil köchmenler toghrisida chüshendürüshler körsitilgen béttin körünüsh.
Süret, amérika köchmenler idarisining tor bétidiki her xil köchmenler toghrisida chüshendürüshler körsitilgen béttin körünüsh.
www.uscis.gov Din élindi.

Bügün amérika awazining xitayche xewerler sehipisdin melum bolushiche, hazir xitayda pul tapqan baylar bes - beste Amérikining yéshil kartigha éltimas qiliwatqan Bolup, 2009 - yili iltimas qilghuchilarning sani aldinqi bir yilgha qarighanda bir hesse artip, bir yildila amérika yéshil kartigha éltimas qilghan xitay bayliri 1000 neperdin éship ketken. Bu dolqun xitay bayliridin sirt yene, pulluq hökümet emeldarlirining arisidimu qozghalghan bolup, nurghun emeldarlar bir yaqtin baliliri we ayalini amérikigha yolgha séliwétip, bir yaqtin özliri yene xitayda emilini utidighan ehwallarmu intayin éghir iken.

Bu kishiler éliwatqan yéshil kart türi amérikigha meblegh salghuchi salahiyitidikilerge bérilidighan yéshil kart bolup, bankida eng az dégende 10 milyon yüen xelq puli amaniti bolghan kishilerningla bu xil kartqa iltimas qilishqa sherti toshidiken.
 
Xewerlerdin melum bolushche yene, hazir xitay puqralirining amérika, kanada, awstraliye qatarliq döletlerge köchmen bolup kétish nisbitimu barghanséri örlimekte. Amérikining "2008 - yilliq köchmenler sitatistika doklati"gha qarighanda, bir yilning özidila 40 ming xitay amérika puqraliqigha ötken.

Amérika awazining tekshürüshidin qarighanda 2008 - yili xongkong we awménnimu öz ichige alghanda pütün xitaydiki yuqiri derijilik emeldarlarning a'ile tawabatliridin bir milyon 80 ming kishi chet'ellerge köchmen bolghan.

Ular barghan döletliride heshemetlik öylerni we qimmet aptomobillarni bir tiyinmu qerz almay neq pulgha sétiwalidiken. Keyp - sapa sürüdiken.

Biz yuqiriqi melumatlar heqqide xitay ishliri mutexesisisi erkin ekrem ependi bilen söhbet élip barduq.

Yuqiridiki awaz ulinishidin, bu heqtiki söhbitimizning tepsilatini anglaysiler.
 
Toluq bet