Amérikidiki qurban héyt namizida Uyghurlar uchun du'a qilindi

Bügün amérikidiki Uyghurlarmu dunya musulmanliri bilen birlikte qurban héytni kütüwaldi. Wérginiye we washin'gton etrapidiki Uyghurlar qurban héyt namizini bu yerdiki türk jama'iti bilen birlikte oqughan bolup, namazda jama'et, sherqiy türkistanda xitay hökümitining basturush siyasitide, zulum ichide yashawatqan Uyghurlar üchün du'a qilishti.
Muxbirimiz mihriban
2009.11.27
Share on WhatsApp
Share on WhatsApp

Wirginiye shtati fé'irfaks shehiridin ziyaritimizni qobul qilghan osman qari hajim, bügünki héyt namizida jama'etning, imamning yétekchilikide qilghan du'asida, pütkül musulmanlargha asayishliq we xatirjemlik tilesh bilen bille, sherqiy türkistanda hélimu xitay hökümitining asaritide, zulum ichide yashawatqan Uyghur qérindashlarning baldurraq erkinlikke érishishi üchün du'a qilin'ghanliqini, 5 - iyul weqeside qurban bolghan hem hélimu xitay türmiliride yétiwatqan Uyghurlarning erkinliki uchun du'a qilin'ghanliqini bayan qildi.

Ziyaritimizni qobul qilghan osman qari hajim, we qediriye xanimlar pütkül dunya musulmanlirining eng chong bayrimi bolghan qurban héyt bayrimini musibet ichide kütüwéliwatqanliqini, bolupmu bu yil yazda yüz bergen "5 - iyul weqesi" din kéyin, weten sirtidiki Uyghurlarning xitayning qirghinchiliqi we basturushida ölüp ketken, tutqun qilin'ghan Uyghur qérindashliri üchün eng éghir matem halitide turuwatqanliqini, shunga bu héytta weten sirtidiki Uyghurlarning musibet ichide qurban héytni kütüwalghanliqini bayan qilishti.


Osman qari hajim, weten sirtidiki Uyghurlargha wakaliten özining weten ichidiki Uyghur qérindashlargha bolghan salimini yetküzüp qoyushimizni ötünündi.

Qedirlik oqurmen dostlar, pütkül dunya musulmanlirining qurban héyt bayrimi tebrikliniwatqan mushundaq bir bayram künide, xitay hökümitining Uyghur aptonom rayonida yürgüzüwatqan basturush siyasitige nisbeten xelq'aradiki insan heqliri teshkilatliri we démokratiye we erkinlikni yaqlighuchi döletler xitay hökümitini eyiblewatqan bolup, pütkül dunya xelqi Uyghurlarning teqdirige köngül bölüwatmaqta.

Tünügün yawropa parlaménti, Uyghurlar we tibetler heqqide resmiy qarar alghan bolup, qararda yawropa ittipaqigha eza döletlerning xitay hökümitige bésim ishlitip, xitay hökümitining Uyghurlar we tibetler ustidin élip bériwatqan basturush siyasitige chek qoyushni؛ xitay hökümitidin Uyghur we tibet siyasiy aktiplirigha bériliwatqan ölüm jazasini toxtitishqa bésim ishlitish heqqide resmiy qarar maqullan'ghanliqini jakarlidi.

Chey'ellerde héyt ötküzüwatqan Uyghurlar , bu qarar éghir musibet ichide turuwatqan Uyghurlar uchun qimmetlik bir sowghat dep qarashmaqta.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.