“Xitay chet'ellerdiki Uyghur teshkilatlirini ammiwi asastin mehrum qilishni meqset qilidu”

Xitay da'iriliri 15-awghust küni béjingda tunji qétim “Xitayning chet'ellerdiki muhajirliri” namliq kök tashliq kitab élan qildi.
Muxbirimiz irade
2011.08.19
alimjan-inayet-rabiye-305.jpg Proféssor alimjan inayet sherqi türkistan Uyghur aliy kéngishi échilish murasimidin kéyin rabiye qadir xanim bilen. 2011-Yili 2-may.
RFA

Kök tashliq kitabta, shinjang qatarliq az sanliq milletler rayonliridin chet'ellerge chiqip ketken muhajirlar bilen keng alaqe ornitip, muhajirlar xizmitini yaxshi ishlesh, Uyghur qatarliq az sanliq millet muhajirlirining tughulghan wetinini étirap qilishini qolgha keltürüsh we bu arqiliq chet'ellerde döletning milletler ittipaqliqi siyasitini toghra teshwiq qilip, shinjangda uzun muddetlik eminlikni ishqa ashurushni kapaletke ige qilish kérek dep körsitilgen.

Kök tashliq kitabta yene, muhajirlar xizmitining muhimliqini tonup yétish xitayning zémin pütünlüki hem döletning négizlik menpe'itige biwasite munasiwetlik déyilgen.

Türkiye ege uniwérsitétining proféssori alimjan inayet ependi bu heqte toxtilip, bu, xitayning siyasetlirini teshwiq qilish üchün bundin kéyin herxil yollar arqiliq, bolupmu iqtisadiy tedbirler arqiliq chet'ellerdiki Uyghur muhajirlirini qolgha keltürüshke urunidighanliqining signali ikenlikini éytti. U buning chet'ellerdiki Uyghur teshkilatlirini ammiwi asastin mehrum qilip, Uyghurlarning musteqilliq pa'aliyetlirini ajizlashturushni meqset qilidighanliqini éytip, chet'ellerdiki Uyghurlarni bu jehette angliq bolup, bu xil ehwallargha sezgürlük bilen mu'amile qilishqa chaqirdi.

Bu heqte muxbirimizning türkiye ege uniwérsitétining proféssori alimjan inayet ependi bilen élip barghan söhbetning toluq mezmunini yuqiridiki ulinishtin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.