Ақсуда йүз бәргән партлитиш вәқәсигә қарита уйғур тәшкилатлириниң инкаслири

Түнүгүн ақсуда партлитиш вәқәси йүз бәргәндин кейин, хитай һөкүмитиниң вәқәни тәшвиқ қилишта қаймуқуш ичидә туруватқанлиқи мәлум болмақта.
Мухбиримиз шоһрәт һошур
2010-08-21
Share
Aqsuda-partlash-uch-chaqliq-motoskilit-305 Сүрәт, уйғур дийариниң мәлум йезисидики икки деһқан йашниң ақсуда йүз бәргән партлитиш вәқәсидә ишлитилгәнгә охшаш уч чақлиқ мотсиклитқа минип турған көрүнүши.
http://articles.latimes.com Дин елинди.

Хитай һөкүмити түнүгүн баянат елан қилип вәқә һәққидә чәтәл мухбирлириға мәлумат бәргән. Бүгүн хитай һөкүмити хитай тор бәтлириниң мәзкур вәқә һәққидә хәвәр тарқитишини чәклигән.

Ақсу хәвәр торида пәқәт әмәлдарлириниң бириниң яридарларни йоқлиған сүрити берилгән. Әмма, вәқәниң тәпсилати һәққидә һечқандақ хәвәр берилмигән. Көзәткүчиләрниң қаришичә, хитай һөкүмити дәсләптә вәқәни ашкарилашта, һуҗумға учриғучиларниң уйғур икәнликини дуняға көрсәтмәкчи болған.

Бирақ, хәлқара хәвәрләрдә, хитай сақчиханисиниң чарлаш әтритиниң һуҗумға учриғанлиқи асаси тема қилинғачқа, хитай бу нуқтида көзлигән мәқситигә йетәлмигән. Нәтиҗидә вәқәниң хәвәр қилинишиға қарита чүшиниксиз позитсийә тутмақта.

Дуня уйғур қурултийи баянатчиси дилшат решит әпәнди болса, вәқәниң тасадипий бир вәқә әмәсликини, бәлки хитай һөкүмитиниң зулумиға қарита бир исян икәнликини билдүрмәктә.

Канада уйғур җәмийити башлиқи руқийә турдуш ханимму партлитиш һуҗуминиң, хитайниң қанун органлириға қарита һуҗум икәнликини билдүрмәктә.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт