Aqsuda yüz bergen partlitish weqesige qarita Uyghur teshkilatlirining inkasliri

Tünügün aqsuda partlitish weqesi yüz bergendin kéyin, xitay hökümitining weqeni teshwiq qilishta qaymuqush ichide turuwatqanliqi melum bolmaqta.
Muxbirimiz shohret hoshur
2010-08-21
Share
Aqsuda-partlash-uch-chaqliq-motoskilit-305 Süret, uyghur diyarining melum yézisidiki ikki déhqan yashning aqsuda yüz bergen partlitish weqeside ishlitilgenge oxshash uch chaqliq motsiklitqa minip turghan körünüshi.
http://articles.latimes.com Din élindi.

Xitay hökümiti tünügün bayanat élan qilip weqe heqqide chet'el muxbirlirigha melumat bergen. Bügün xitay hökümiti xitay tor betlirining mezkur weqe heqqide xewer tarqitishini chekligen.

Aqsu xewer torida peqet emeldarlirining birining yaridarlarni yoqlighan süriti bérilgen. Emma, weqening tepsilati heqqide héchqandaq xewer bérilmigen. Közetküchilerning qarishiche, xitay hökümiti deslepte weqeni ashkarilashta, hujumgha uchrighuchilarning Uyghur ikenlikini dunyagha körsetmekchi bolghan.

Biraq, xelq'ara xewerlerde, xitay saqchixanisining charlash etritining hujumgha uchrighanliqi asasi téma qilin'ghachqa, xitay bu nuqtida közligen meqsitige yételmigen. Netijide weqening xewer qilinishigha qarita chüshiniksiz pozitsiye tutmaqta.

Dunya Uyghur qurultiyi bayanatchisi dilshat réshit ependi bolsa, weqening tasadipiy bir weqe emeslikini, belki xitay hökümitining zulumigha qarita bir isyan ikenlikini bildürmekte.

Kanada Uyghur jem'iyiti bashliqi ruqiye turdush xanimmu partlitish hujumining, xitayning qanun organlirigha qarita hujum ikenlikini bildürmekte.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet