Ақсудики партлитиш вәқәси канада мәтбуатлирида кәң көләмдә йәр алди

Мушу айниң 19 - күни әтигәндә, уйғур дияриниң ақсу шәһири игәчи йезисида йүз бәргән партлитиш вәқәси канада мәтбуатлиридиму кәң көләмдә йәр алди.
Мухбиримиз гүлшән абдуқадир
2010.08.23
Aqsuda-partlash-weqesi-305 Әтигән саәт 8 әтрапида, ақсу шәһири егәрчи йезилиқ сақчиханиниң коча чарлаш әтрити партлитиш һуҗумиға учриған орун көрситилгән хәритә. 2010-Йили 19-авғуст.
AFP Photo

Канадада чиқидиған нопузлуқ гезитләрдин йәр шари мәктуплири гезити вә к б к радиоси қатарлиқ мәтбуат вастилири вәқә һәққидә тәпсилий тохталди шундақла уйғурларниң хитайниң ғәрбидә яшайдиған түрки милләтләр системисиға тәвә мусулманлар икәнлики, районда өткән йили 5 - июнда хитай һөкүмитиниң миллий кәмситиш сияситигә қарши зор көләмлик хәлқ қаршилиқ һәрикитиниң көтүрүлгәнлики қатарлиқлар һәққидә тәпсилий мәлумат берилди. Нәтиҗидә, бу вәқә арқилиқ уйғурлар канада хәлқигә йәнә бир қетим тонуштурулди.

Игиләшләргә асасланғанда, ақсу шәһиридики шяңгаң базар, ваңсән вә игәчи йезиси қатарлиқ җайлар уйғурлар топлишип олтурақлашқанлиқи шундақла диний затлар вә яғлиқ чигидиған ханим ‏- қизларниң көплүки билән хитай һөкүмитини изчил раһәтсиз қилип келиватқан районлар икән.

Шу вәҗидин йеқинқи йиллардин буян хитай һөкүмити йеңи шәһәр райони бәрпа қилиш дегән нам астида шяңгаң базири вә ваңсән дегән җайлардики уйғур аһалилириниң өйлирини чеқип уларни башқа җайларға тарқақлаштурувәткән икән.

Нөвәттә ақсудики бирдин - бир уйғурлар топлишип олтурақлашқан игәчи йезиси кечә ‏- күндүз хитай аманлиқ сақчилири тәрипидин көзитилидиған нуқтиға айлинип қалғанлиқи үчүн бу җайда яшаватқан уйғурларниң наразилиқини қозғиған.
 
Ақсуда йүз бәргән партлитиш вәқәси мунасивити билән биз канада уйғур җәмийитиниң рәиси руқийә турдуш ханим вә уйғур зиялийси һашимҗан әпәндиләрни зиярәт қилдуқ.

Зияритимизни қобул қилған руқийә турдуш ханим, уйғур диярида өлүмниң мәвҗутлуқи күрәшниң давамлишиватқанлиқиниң бәлгиси икәнлики һәққидә тохталди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.
 
 
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.