Арслан алиптекин вапат болди

Мәрһум арслан алиптекин 1941-йили, 18-март күни хитайниң чоңчиң шәһиридә туғулған, 1949-йили ата-аниси вә қериндашлири билән бирликтә кәшмиргә қечип чиққан һәмдә 1952-йили түркийигә келип йәрләшкән.

Арслан алиптекин 1970-йили, дадиси мәрһум әйса йүсүп алиптекин билән бирликтә америка, явропа, оттура шәрқ мәмликәтлири һиндонезийә, японийә қатарлиқ әлләрдә зиярәттә болуп, шәрқий түркистан давасини аңлатқан.

1994-Йили, истанбулда мәмтимин һәзрәт билән бирликтә “шәрқий түркистан” гезитини чиқарған.

1995-Йилидин 2000-йилиғичә болған арилиқта түркийидә шәрқий түркистан дәвасини тонуштуридиған паалийәтләр билән шуғулланған һәмдә түркийә президенти сулайман демирәл билән көрүшүп, 120 уйғурниң граҗданлиққа өтүш мәсилисини һәл қилған. У, һаятиниң ахирғичә әйса йүсүп алиптекин вәхпиниң рәислик вәзиписини өтигән иди.

Мәрһум арслан алиптекин әпәнди түркийидики шәрқий түркистан даваси паалийәтлириниң актиплиридин бири болуп, у көп қетим истанбул, әнқәрә вә башқа шәһәрләрдә өткүзүлгән муһакимә йиғинлириға қатнишип, шәрқий түркистан мәсилиси һәққидә доклат оқуп, уйғур мәсилисини түркийидә техиму тонулушиға күч чиқарған иди.

Мәрһумниң җиназа намизи 21-июн күни истанбулдики фаитһ җамәсидә оқулмақчи һәмдә истанбулдики аилә қәбристанлиқиға дәпнә қилинмақчи. Мәрһумниң вапатини аңлиған уйғур җамаәтлири өз тәзийилирини билдүрмәктә.