Arzigül tursunning dadisi tursunjan hesen qolgha élin'ghan

Ghulja shehirining dadamtu yéza noghaytu mehellisidiki tursunjan hesen. Bu yil 7 ‏- ayning 2 ‏- küni döletni parchilashqa urunush gumani bilen qolgha élin'ghan.
Muxbirimiz shohret hoshur
2009.10.29
uyghur-boway-305.jpg Uyghur kochilirining biride kétip barghan uyghur boway.
RFA Photo

Tursunjan hesen bultur qizi arzigül tursunning hamilisini planliq tughut opiratsiyesidin qutuldurush üchün hökümetke qarshi meydanda turghan we saqchilar bilen bir qanche qétim tirkeshken idi.

Muhajirettiki Uyghur teshkilatlirining we amérika parlamént ezalirining weqege arilishishi bilen tursunjan hesen shu qétimqi kürishide ghelibe qilghan. Yeni qizi arzigül tursunning opiratsiyesi emeldin qaldurulup, newrisi saq - salamet dunyagha köz achqan idi.

Emma shuningdin kéyin xitayning yerlik hökümet tarmaqliri tursunjan hesen'ge öchmenlik neziride qarashqa we uni nazaret qilishqa bashlighan. Aldi bilen saqchi tarmaqliri uni izchil halda soraq qilip, arzigül tursun mesilisini chet'elge ashkarilighan kishini tépip bérishke qistighan, yene bir tereptin, yéziliq hökümet tarmaqliri uninggha öch élish sheklide mu'amile qilip, normal déhqanchiliq pa'aliyetlirini dexlige uchratqan. Bolupmu uning yer - mölük hoquqigha dexli - terüz qilishqa bashlighan.

Bu yil yazda, dadamtu yézisining aradadamtu kentide yer majirasi yüz bérip, aradadamtu ayalliri hökümet da'irilirige kolliktip qarshiliq körsetkende, da'iriler, tursunjan hesenni mezkur weqeni qutratti dep guman qilghan.

Igilishimizche, tursunjan hesen qolgha élinishtin awwal a'ilisige, uning döletni parchilashqa urunush jinayiti bilen gumanliq ikenliki heqqide uqturush bérilgen. Melum bolushiche, u nöwette yéngihayat türmiside qamaqta, u, 11 ‏- ay ichide échilidighan sot hökümini kütmekte.

Tursunjan hesenning konkrét nime weqe seweblik qolgha élin'ghanliqi heqqide nöwette hökümet tarmaqlirimu, a'ile - tawabatimu jawab bérishni ret qilmaqta.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Pikir

Anonymous
Oct 29, 2009 03:18 PM

Itmu ölidighan chéghida bek qawaydu, xitaylarningmu küni ﯪz qaldi.

Anonymous
Oct 30, 2009 01:15 AM

Men yuqérdéké ikki kéréndishmgha koshilimen

Anonymous
Oct 29, 2009 08:26 PM

Bizning eng dehshetliq ﯪjizliqimiz ﯪshundaq töwendiki xétayning yalaqchiliri .Haman bir kün bu jahaletning chomaqchiliri dargha ésilidu .

Anonymous
Oct 29, 2009 04:51 PM

Xitaylar bizni hergiz qorqutalmaydu. Bir tursunjan tutulsa on tursunjan qozghilidu. Xitaygha xoshamet qilip uyghur qérindashlirini tutup bériwatqan xainlar hem uyghur kimliki üchün ﯪtlanmisa ﯪxiri xitayning qolida ölidighanliqini bilishi kérek.

Anonymous
Oct 30, 2009 08:25 PM

Mezkur weqe xitay milletchilirining uyghur paﯪliyetchiliri bilen bolghan munazirilerde uyghurlarda pilanliq tughut siyasytide belgilik derijide erkinlik bar deydighan sepsetilirini tuwaqlaydighan emiliy pakitliq nuqtidur. Mezkur weqening tepsilatigha diqqet qiliwatqan kishilerdin biri bolush süpitim bilen, mezkur weqening kelgüsi heqqidiki xewerlerni dawamliq mezkur bikette körüshni ümid qilimen.

Anonymous
Nov 03, 2009 12:15 PM

Bu eski xitaylar haman bir küni béshini yeydu.
Heqiqet ölmeydu sunmaydu deydu,
Unnggha chang tuzang konmaydu deydu.
Likn u iglip tüzilgiche ,
10000 Ni ültürup 100,000 ni yeydu.

Anonymous
Oct 29, 2009 08:18 PM

Xitay her qitim mushundaq qilidu .Waqit otkuzup och ilish bularning bir osuli .Wang qatarliq bayliq talan taraj qildighanlar bundaq pursette gumanliq ﯪdem tutuq dep bulangchiliq qilwatidu.