Доктор атавулла шаһяр: коммунистларниң қурани кәримигә бәргән изаһатлирини етибарға елишқа болмайду

Шинхуа агентлиқиниң баян қилишичә, хитай коммунист партийә мәркизи комитети сиясий бюросиниң даимий әзаси, мәмликәтлик сиясий кеңәш башлиқи җа чиңлин 25‏-26-апрел күнлири, бейҗиңдики чоң сарайда ечилған ислам әқидилиригә изаһат бериш йиғинида сөз қилип, исламшунаслиқ аң қурулушини күчәйтиш арқилиқ, “үч хил күчләр” гә зәрбә бериш лазим дәп йолйоруқ бәргән. Бу һәқтә түркийиниң мармара университетида һәдис илмидә докторлуқ унвани алған, һазир ислам тәтқиқати билән шуғуллиниватқан атавулла шаһярни зиярәт қилдуқ.

Доктор атавулла шаһяр алди билән қурани кәриминиң қандақ китаб икәнлики, 15 әсирдин буян қурани кәримигә биваситә қарши туридиған бәзи һәрикәтләр болғанлиқини, әмма у ғәлибә қилалмиғандин кейин, тактика өзгәртип, қурани кәримигә хата изаһат бериш арқилиқ мусулманларни қаймуқтуридиған вәқәләр йүз беришкә башлиғанлиқини баян қилип өтти.

Түркийидә һәдис илмидә докторлуқ унвани алған, һазир истанбулда ислам тәтқиқати билән шуғуллиниватқан атавулла шаһярниң қаришичә, исламға ишәнмәйдиған бир коммунист хитайниң һазир қуранға өз хаһиши бойичә изаһат бәрмәкчи болғанлиқи, бизниң ичимиздики бәзи езип кәткән яки өз йолида маңалмайватқан диний затлиримиздин пайдилинип, қурани кәриминиң әхлақий қисмини, йәни таҗавузчиларға қарши қандақ бир позитсийидә туруш лазимлиқи һәққидики қисмини йошурушқа урунуватқанлиқидин дерәк бериду.

Түркийидә һәдис илмидә докторлуқ унвани алған, һазир истанбулда ислам тәтқиқати билән шуғуллиниватқан атавулла шаһяр қурани кәримидики, аллаһ һечқачан мусулманларниң зәрәригә, бәлки капирларниң пайдисиға бир йол көрсәтмигән, дегән айәтни әсләп өтти вә һазир коммунистларниң қурани кәримигә бәргән изаһатлирини етибарға елишқа болмайду дәп көрсәтти.