Doktor atawulla shahyar: kommunistlarning qur'ani kerimige bergen izahatlirini étibargha élishqa bolmaydu

Shinxu'a agéntliqining bayan qilishiche, xitay kommunist partiye merkizi komitéti siyasiy byurosining da'imiy ezasi, memliketlik siyasiy kéngesh bashliqi ja chinglin 25‏-26-aprél künliri, béyjingdiki chong sarayda échilghan islam eqidilirige izahat bérish yighinida söz qilip, islamshunasliq ang qurulushini kücheytish arqiliq, “Üch xil küchler” ge zerbe bérish lazim dep yolyoruq bergen. Bu heqte türkiyining marmara uniwérsitétida hedis ilmide doktorluq unwani alghan, hazir islam tetqiqati bilen shughulliniwatqan atawulla shahyarni ziyaret qilduq.

Doktor atawulla shahyar aldi bilen qur'ani kerimining qandaq kitab ikenliki, 15 esirdin buyan qur'ani kerimige biwasite qarshi turidighan bezi heriketler bolghanliqini, emma u ghelibe qilalmighandin kéyin, taktika özgertip, qur'ani kerimige xata izahat bérish arqiliq musulmanlarni qaymuqturidighan weqeler yüz bérishke bashlighanliqini bayan qilip ötti.

Türkiyide hedis ilmide doktorluq unwani alghan, hazir istanbulda islam tetqiqati bilen shughulliniwatqan atawulla shahyarning qarishiche, islamgha ishenmeydighan bir kommunist xitayning hazir qur'an'gha öz xahishi boyiche izahat bermekchi bolghanliqi, bizning ichimizdiki bezi ézip ketken yaki öz yolida mangalmaywatqan diniy zatlirimizdin paydilinip, qur'ani kerimining exlaqiy qismini, yeni tajawuzchilargha qarshi qandaq bir pozitsiyide turush lazimliqi heqqidiki qismini yoshurushqa urunuwatqanliqidin dérek béridu.

Türkiyide hedis ilmide doktorluq unwani alghan, hazir istanbulda islam tetqiqati bilen shughulliniwatqan atawulla shahyar qur'ani kerimidiki, allah héchqachan musulmanlarning zererige, belki kapirlarning paydisigha bir yol körsetmigen, dégen ayetni eslep ötti we hazir kommunistlarning qur'ani kerimige bergen izahatlirini étibargha élishqa bolmaydu dep körsetti.