Ishpiyon gumandari babur mexsut heqqide yene sot échildi

Ishpiyon gumandari babur mexsutning sotigha munasiwetlik uchurlar bir qanche aydin biri Uyghurlarning izchil köngül bölüp kiliwatqan qiziq timilarning biri bolup kelmekte idi. Bügün 8 - ayning 28 - küni ishpiyon gumandari babur mexsutning üstidin yene bir qétim sot échildi.
Muxbirimiz yalqun
2009-08-28
Share
babur-mehsut-305.jpg Ishpiyon gumandari babur mexsut. 2007-Yili 7-may.
RFA/Yalkun

Sot stokholim waqti sa'et 12 de bashlinip 1 de axirlashti. Sot échishni gumandar babur mexsutning adwokati telep qilghan bolup, adwokat sotta shiwétsiye qanuni buyiche gumandarni hökümisiz tutup turush waqti éship ketkenlikini asas qilip turup, gumandarni a'ilisige qoyiwétip tekshürüshni dawamlashturushni otturigha qoyghan.

Sot baburning adwokatining telipini we baburning délosigha mes'ul bash teptishning pikirini anglighandin kéyin , sotchi sot hökümini oqup ötti. Sotchi shiwétsiye qanuni buyiche gumandarni yene dawamliq tutup turiwerse bolmaydighanliqini, sot axirlashqan haman öyige qaytip dawamliq tekshürüshni qobul qilidighanliqini, emma bir qanche sherti barliqini bildürdi.

Gumandar babur mexsut shiwétsiye qanuni buyiche hazirdin bashlap erkin, emma nazaret astida dawamliq tekshürüshni qobul qilidu. Babur mexsutning pasporti tartiwélinip, stokholmdin sirt jaylargha bérishi cheklinidu. Her heptide 3 kün yeni düshenbe, charshenbe we jüme künliri kichikkende kech sa'et 5 tin burun saqchighanigha bérip en'ge alduridu. Kiler qétimliq sot 9 - ayning 25 - küni sa'et 11 de échilidu.

Sot jeryanidin melum bolushche , ishpiyon gumandari babur mexsutning axirqi sot hökümining kéchiktürülushi, uning délosining jeryani bir qeder murekkep, chétishliq da'irisi kengri, bezi mesililer inchike bolghanliqi üchün tepsiliy tekshürüsh we teqiqleshni telep qilidiken.

Bezi uchurlardin melum bolushche, gumandar babur mexsutning ishpiyonluq herikiti yalghuz shiwétsiyidiki Uyghurlarning matériyalini xitay konsuligha yetküzüsh bilen cheklenmestin yene , dunya Uyghur qurultiyigha munasiwetlik uchurlarnimu yetküzüshke chétilidiken.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet