Баку силав университетида мәһмут қәшқири вә уйғурлар

Улуғ алим, тилшунас мәһмут қәшқири туғулғанлиқиниң 1000 - йиллиқи мунасивити билән бирләшкән дөләтләр тәшкилати 2008 - йилини мәһмут қәшқири йили елан қилғандин кейин, өткән йили пүтүн дуняда болупму түркийидә вә түркий җумһурийәтлиридә мәһмут қәшқирини хатириләш үчүн һәр хил илмий йиғинлар чақирилған иди.
Мухбиримиз әркин тарим
2009-02-20
Елхәт
Пикир
Share
Принт
Сүрәт, 2008 - йили 10 - айниң 17 - күни түркийиниң шималидики қарадеңиз бойиға җайлашқан ризә вилайитидә мәһмут қәшқириниң туғулғанлиқиниң 1000 - йиллиқи мунасивити билән хәлқаралиқ мәхмут қәшқири илмий муһакимә йиғини ечиливатқан ризә университетиниң лозунка есилған бинаси.
Сүрәт, 2008 - йили 10 - айниң 17 - күни түркийиниң шималидики қарадеңиз бойиға җайлашқан ризә вилайитидә мәһмут қәшқириниң туғулғанлиқиниң 1000 - йиллиқи мунасивити билән хәлқаралиқ мәхмут қәшқири илмий муһакимә йиғини ечиливатқан ризә университетиниң лозунка есилған бинаси.
RFA Photo / Erkin Tarim

2008 - Йили ахирлашқандин кейинму мәһмут қәшқири вә униң өчмәс әсири түркий тиллар дивани һәққидә чақирилған илмий йиғинлар давам қилмақта.

Түркийидә паалийәт елип бериватқан шәрқий түркистан аммивий тәшкилатлириниң мәсуллири вә уйғур паалийәтчиләр бу хил йиғинларда мәһмут қәшқири хатирилинипла қалмастин , у туғулуп чоң болған шәрқий түркистанниң тарихи вә уйғурларниң бүгүнки вәзийитиниңму тилға елиниватқанлиқини, бу хил йиғинларниң шәрқий түркистан даваси үчүн наһайити пайдилиқ икәнликини илгири сүрмәктә.

Бу хил йиғинлардин бири бүгүн йәни 2 - айниң 20 - күни әзәрбайҗанниң пайтәхти бакудики силав университетида өткүзүлгән. Баку силав университети түркийә тәтқиқат мәркизи тәрипидин чақирилған мәһмут қәшқири намлиқ бу илмий муһакимә йиғиниға баку силав университети оқутқучи - оқуғучилири, әзәрбәйҗан пәнләр академийиси қол язмилар институти мәсули профессор доктор тәрлан қулийеф, силав университети түркологийә факултети мудири профессор доктор нуридә нәврузова, силав университети түркийә тәтқиқат мәркизи мудири профессор доктор айгүл һакейева вә баку дөләт университети оқутқучиси доктор рамиз аскәр қатарлиқ кишиләр қатнашқан вә сөз қилған.

Бу йиғинда түркий тиллар диванини әзәрбәйҗан тили билән рус тилиға тәрҗимә қилған, түркий тиллар дивани һәққидә 4 китаби нәшр қилинған доктор рамиз аскәр әпәнди `2008 - йилида түркий тиллар дивани вә мәһмут қәшқири һәққидә елип берилған паалийәтләр` темисида, профессор нуридә нәврузова ханим болса `мәһмут қәшқириниң әсири түркий тиллар диваниниң қиммити` темисида, профессор тәрлан қулийеф әпәнди болса түркий тиллар диваниниң әһмийити һәққидә сөз қилған.

Йиғин ахирида оқутқучи - оқуғучилар қизғинлиқ билән мутәхәссисләрдин түркий тиллар дивани вә уйғурлар һәққидә соаллар сориған. Бу илмий муһакимә йиғинида сөз қилғанлар уйғурларниң бүгүнки вәзийити һәққидиму тохталған. Биз нәқ мәйданға телефон қилип бу йиғин һәққидә тәпсилий мәлумат игиләшкә тириштуқ.

Юқириқи аваз улинишидин, бу телефон зияритимизниң тәпсилатини аңлайсиләр.

Пикирләр (0)
Share
Толуқ бәт