Балилар ! байрамлиқ соғимизға қулақ селиңлар!

Әссалам балилар, бүгүн силәрниң байримиңлар, хәлқара балилар байримиңлар хошаллиққа, татлиқ күлкилириңларға толсун! бүгүн әркин асия радио истанссидики мухбир таға, ачилириңларму силәрни унтуп қалғини йоқ. Аңлитиш вақтимизниң әмдики минутлирини силәргә атидуқ, қени гүлчеһрә һәдәңлар бүгүнки байримиңларға атап немә соға тәйярлидикин аңлап бақамсиләр?
Мухбиримиз гүлчеһрә
2009-05-29
Share

Салам балилар, бүгүн худди гүлдәк чирайлиқ болуп кәттиңлар һәқачан, өйдә, бағчида, мәктәптә, йолларда һәммила йәрдә силәрниң байримиңлар тәбриклиниватамду? "мәнму бала болуп қалсамчу ? ... " Дәп силәргә бәкму мәсликим келиватиду кичик достлар, бүгүн қуяшму силәргә башқичә күлүп баққандәк, ишчан анаңлар пишурған чирайлиқ қизирип пишқан тоқачтинму қизил күрүниватамду ?

Чүнки қояшму, йәрму, асманму, һәтта юлтузларму, гүл - гияһ, қушларму байримиңларни тәбрикләп хошаллиққа чүмүпту әмәсму ? әй дуняда һәммидин сөйүмлүк уйғур балилири пүтүн дуняниң һәр қайси җайлиридики уйғур достлириңларниң һәммисиниң салимини радио долқунлиримиз билән силәрниң қучиқиңларға ташлидуқ, чаққан тутуп елиңлар!

Силәрниң байримиңларға қандақ соға тәйярлаш һәққидә мухбир таға, ачилириңлар толиму көп ойлашти. Ойлап ‏- ойлап ахири чөчәк аңлашқа амрақ әмәс бирму бала болмиса керәк дегән хиял билән, силәргә чөчәк ейтип беришни лайиқ көрдуқ, қени әмисә қулиқиңлар биздә болсун.

Юқиридики аваз улинишидин, бу балилар программимизниң тәпсилатини аңлайсиләр.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт