Jenubiy awstraliyide balilar heptiliki ötküzüldi

10-Ayning 20-küni jenubiy awstraliyide ötküzülgen balilar heptilikige Uyghur tili mektipimu qatnashti.
Ixtiyariy muxbirimiz abide
2012-10-22
Share
balilar-heptiliki-awstraliye-uyghur-til-mektep-305.jpg Jenubiy awstraliyide ötküzülgen balilar heptilikige Uyghur tili mektipimu qatnashti. 2012-Yili 20-öktebir, awstraliye.
RFA/Abide

Etigen sa'et10.30 Da bashlan'ghan bu pa'aliyetke 30 din artuq bashqa mektepler qatnashqan bolup, Uyghur mektep oqughuchiliri özlirining milliyche kiyimlirini kiyip, oqutquchi we ata-anilarning yétekchilikide parattin ötti.

Bu pa'aliyet jenubiy awstraliyide yillardin biri ötküzülüp kéliwatqan bolup, awstraliyide yashawatqan her millet xelqining kiyim-kéchek we sen'et medeniyitini awstraliye xelqige hem shundaqla köpligen milletlerge tonushturushi üchün yaxshi bir shara'it hazirlap bergen.

Pa'aliyetke jenubiy awstraliye ma'arip ministiri hüy wenli ependi bashchiliqidiki ma'arip mes'ulliri qatnashqan bolup, ular ichilish murasimida tebrik sözi qildi.

Uyghur mektep oqughuchiliri her yillardikidek bu pa'aliyetke qatniship, özlirining nepis usulliri we rengdar milliyche kiyimliri bilen pa'aliyetke qatnashqan tamashibinlarning qelbini lerzige saldi. Ular shox heriketliri bilen köpchilikni heyran qaldurupla qalmay, öz talantliri we japaliq meshiqliri arqiliq Uyghur millitini yene bir qétim awstraliye xelqige tonushturdi.

Pa'aliyet heqqide téximu éniq uchurlargha érishish üchün sherqiy türkistan awstraliye jem'iyitining katipi nurmuhemmet türkistan ependini ziyaret qilduq.

Bügünki bu pa'aliyetke qatnashqan Uyghur tili mektep oqughuchiliridin biri pa'aliyettin kiyin ziyaritimizni qobul qildi.

30 Din artuq mektepning, her millet xelqining sen'et nomurlirini körsitishi bilen bashtin -axir intayin qizghin keypiyatta ilip bérilghan bu pa'aliyet chüshtin kiyin sa'et 2 de ayaghlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet