B d t, haytidiki tinchliq saqlash qisimlirining adem sanini 3500 ge yetküzüshni qarar qildi

Haytida 12‏ - yanwar küni 7.3 Bal yer tewrigen idi, bügün 7 - küni texminlinishiche, haytida yüz bergen bu qétimqi yer tewreshte hayatidin ayrilghan adem sani 200 minggha yétishi mumkin. Hazir haytigha yardem bérishke qatnashqan döletlerning sani hazir 30 din ashti. B d t bixeterlik kéngishi bügün bash katib ban kimunning teklipige asasen, haytidiki tinchliq saqlash qisimlirining sanini 3500 ge yetküzüshni qarar qildi.
Muxbirimiz weli
2010-01-19
Share
Hatida-bulang-talang-herkiti-kopeygen-305.jpg 17 - Yanwar küni, haytining melum haypolayt isimliq bazirida bulang - talang herikitige qatnashqan nechche yüzligen yashlargha saqchilar oq chiqirip kam dégende bir kishini étip öltürgen bolup, sürette, shu bulang - talang herikitige qatnashqan yashlardin bir körünüsh.
AFP Photo

Haytida 12‏ - yanwar küni kech sa'et 21 de 7.3 Bal yer tewrigen idi, s n n téléwiziye istansisi 7 kündin buyan neq meydandin bériwatqan uchurlardin qarighanda, shuningdin buyan 9 milyon nupusi bar hayti dölitining dunya bilen bolghan munasiwiti peqet sün'iy hemrah arqiliqla boluwatidu. Chünki bu qétimqi yer tewreshte haytida pütün asasi qurulush ishtin chiqqan, uchur - alaqe torliri pütünley palech bolghan. Haytida yüz bergen bu qétimqi yer tewreshte hayatidin ayrilghan adem sani hazir 200 minggha yétishi mumkin, dep texminlenmekte.

Nurghun döletlerning yardem eshyalirini élip baridighan ayropilanliri hazir haytigha kirish nöwitini kütüwatidu

7 Künidin buyan dunya elliri 9 milyon hayti xelqini apettin qutquzup, bu döletni qaytidin eslige keltürüsh üchün jiddiy yardem bériwatidu. Hazir haytigha yardem bérishke qatnashqan döletlerning sani hazir 30 din ashti. Hayti ayrodromining kölimi cheklik bolghanliqi üchün, nurghun döletlerning yardem eshyalirini élip baridighan ayropilanliri hazir haytigha kirish nöwitini kütüwatidu. Dominika, béraziliye, kanada, chili, amérika qatarliq döletler 25 - yanwar küni kanadaning montéri'al shehiride haytini qaytidin qurush meslihet yighini échish üchün teyyarliq körüwatidu.

B d t ning yémek teqsimleydighan 14 ponkiti ishqa kirishti

B d t ashliq mehkimisi teyyarlighan 43 tonna yémek haytigha yétip keldi. B d t ashliq mehkimisining bashliqi josét shranning bayan qilishiche, port awa prénsi shehiride hazir b d t ning yémek teqsimleydighan 14 ponkiti apetke uchrighan xelqqe yémek bériwatidu. Bu ponkitlarning xizmiti 30 kün dawam qilidiken.

Amérika awazining bayan qilishiche, amérika hawa qisimliri bügün yene haytining paytexti port aw prénsi shehirige hawadin ikki qétim yémek tashlidi.

Yawropa birliki haytini qaytidin qurush üchün 575 milyon amérika dolliri yardem béridighanliqini jakarlidi

Yawropa birliki bügün haytini qaytidin qurush üchün 575 milyon amérika dolliri yardem béridighanliqini jakarlidi. Qizil krést jem'iyiti yüz milyon amérika dolliri yardem béridighanliqini jakarlidi.

Türkiyining aptomobil doxtorxaniliri jiddiy ishlewatidu

Türkiye haytigha 20 kishilik qutquzush etriti bilen 1 milyon amérika dolliri neq pul, 10 tonna dora, 20 tonna ediyal qatarliq qutquzush buyumliri ewetken idi, türkiyining aptomobil doxtorxaniliri hazir jiddiy ishlewatidu.

Gollandiyning ayropilani bügün haytidin 109 neper yétim balini élip ketti

Gollandiyning ayropilani bügün haytidin 109 neper yétim balini élip kétip béqiwélishni iltimas qilghan a'ililerning qoligha yetküzüshke bashlidi. Amérika dölet zémini bixeterlik ministirliqi haytidiki yétim balilarni waqtinche amérikigha ekilip turghuzushqa we béqiwélishni xalighan a'ililerge yetküzüp bérishke ijazet berdi.

Amérikining sabiq prézidéntliridin bil klinton bilen jorji bush hazir haytigha i'ane toplawatidu

Haytida yer tewresh yüz bergen künidin bashlap amérika qisimliri 5 ming 800 adem chiqirip hawadin we quruqluqtin bérilidighan yardemni teshkillesh, yetküzüsh we adem qutquzushqa kirishken idi. Ular her küni haytida 130 ming kishilik yémek we su bériwatidu. Amérikining sabiq prézidénti bil klinton bilen sabiq prézidébnt jorji bush ikkeylen hazir haytigha i'ane toplawatidu. Bügün yene amérikining 250 kishilik dawalash etriti haytigha kirdi.

B d t bixeterlik kéngishi bügün haytigha yene 3500 kishilik qisim ewetishni qarar qildi

B d t bash katibi ban kimun tünügün haytini ziyaret qilip qaytqandin kéyinla, bixeterlik komitétini haytida tinchliq saqlashni kücheytish üchün yene 3500 kishilik herbiy qisim we saqchi ewetishke chaqirghan idi. B d t bixeterlik kéngishi bügün ban kimunning teklipi buyiche qarar maqullidi.

Xitay haytida xitaylarnila qutquzghanliqini iqrar qilmidi

Amérika awazining bayan qilishiche, xitay tashqi ishlar ministirliqining bayanatchisi ma jawshü yekshenbe künidiki bayanatida, xitayning haytida peqet xitaylarnila qutquzghanliqini étirap qilmighan, belki 'bizni haytida xitaylarnila izlidi - qutquzdi' dégen gep yaman niyetlik ademlerning gépi' dep naraziliq bildürgen idi. Merkizi agéntliqining bügün bayan qilishiche, xitay tashqi ishlar ministirliqining bayanatchisi bügünki bayanatida yene 'teywen hazirgha qeder haytigha yardem bérishte biz bilen hemkarlashmaywatidu, teywen chuqum xelq'ara yardem ishliridimu bir junggo siyasitini ijra qilishi kérek' dep tekitligen.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet