D u q wekili b d t kishilik hoquq kéngishining 14 - nöwetlik yighinigha qatnashti

B d t kishilik hoquq kéngishining 14 - nöwetlik yighini 5 - ayning 31 - küni jenwede bashlan'ghan bolup, 6 - ayning 14 - künidin bashlap Uyghurlargha wekaliten bu qétimqi yighin'gha qatnishiwatqan d u q bash katipi dolqun eysa ependi bu munasiwet bilen téléfun ziyaritimizni qobul qilip, yighinning asasi mezmuni toghriliq melumat berdi.
Muxbirimiz ekrem
2010-06-15
Share
UNPO-yighinida-Dolqun-Eysa-305.jpg Sürette, dunya uyghur qurultiyining bash katipi dolqun eysa ependi bu qétimqi wakaletsiz milletler teshkilatining italiyide ötküzülüwatqan qurultiyida.
RFA Photo / Eqide

Dolqun eysa ependi, d u q ning yillardin buyan b d t kishilik hoquq kéngishi yighinigha jiddiy köngül bölüwatqanliqini tilgha aldi. D u q wekilliri bir qanche aydin buyan bu yighinning teyyarliq xizmetlirini estayidil qanat yaydurghan bolup, köpligen döletler we xelq'araliq teshkilatlarning wekilliri bilen uchrishishlar ötküzgen.

Dolqun eysa ependining bildürüshiche, b d t kishilik hoquq kéngishining 14 - nöwetlik yighini bashlinip hazirgha qeder alte xelq'araliq teshkilat we bir qanche gherb elliri Uyghurlar mesilisini otturigha qoyghan bolup, xitay hökümiti buningdin qattiq narazi hem bi'aram bolghan.
 
Dolqun eysa ependi 6 - ayning 14 - küni, b d t kishilik hoquq kéngishi teripidin uyushturulghan "öz teqdirini özi belgilesh prinsipi astidiki kishilik hoquq mesilisi" namliq yighinda doklat bérip ötken. U sözining axirida, b d t kishilik hoquq kéngishi 14 - nöwetlik yighinining, Uyghurlar mesilisi diqqetni tartqan bir yighin bolghanliqini tekitlidi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet