Bilyart cholpini ekberjan bilen söhbet

Süret, bilyart cholpini ekberjan tahirning bu yil 6 - ayning 12 ‏ - küni gollandiye döletlik 2 - derijilikler chémpiyonluq talishish musabiqisida utqan longqa bilen chüshken süriti.

Netijide burun köngül ichish pa'aliyiti sheklide bashlan'ghan bezi türler, mexsus musabiqe bilen üstünlük telep qilidighan türlerge tereqqiy qildi. Hakimiyetlerning qollishi bilen mehelle we qebililerdin bashlan'ghan türler xelq'ara sehnilirige élip chiqildi.

Bilyart musabiqisi mexsus yuqiri tebiqidikilerning oyuni bolup, qulluq we mustemlikide xorliniwatqan bir millet üchün uning bilen hepilishish, uningda netije qazinish tesewwurdin köp uzaqta idi. Emma bu Uyghurlar üchün ré'alliqqa aylinish aldida turmaqta.

Bu yil 6 - ayning 12 ‏ - küni gollandiye döletlik 2 - derijilikler chémpiyonluq talishish musabiqiside ekberjan atliq bir Uyghur oghlani 2 - likke érishti.

U, bu yerge kelgendin biri hilwirsum sheherlik bir bilyart komandisigha eza bolup kirip, bir yilgha yetmigen waqit ichide öz talantini namayen qilghan we köpligen riqabetchilirini yéngip chiqip, hipo namliq komandining namidin bu qétimqi musabiqige qatnashqan we kümüsh longqa bilen mukapatlan'ghan.

Bir yil dawam qilghan bu musabiqe gollandiyining ütrixt, denxah, amstérdam qatarliq chong sheherliride élip bérilghan.

Yuqiridiki awaz ulinishidin, ekberjan bilen ötküzgen söhbitimizning tepsilatini anglaysiler.