Макав гезитлири бо шиләйниң қара гуроһлар билән болған мунасивитини ашкарилимақта

Хитайниң хоңкоңдин башқа йәнә бир алаһидә райони болған макавда енгилизчә вә хитайчә чиқидиған гезитләрдә, хитайниң мәркизи комитет сиясий бюро әзаси бо шиләйниң макавдики қимарханилардин нери кәтмәйдиған қара гуроһлар билән болған мунасивәтлири һәққидә хәвәрләр елан қилинди.
Мухбиримиз вәли
2012-03-23
Share
bo-xilai-305.png Бо шиләй
AFP

Америка иқтисадшунаси новриәл равбинму "иқтисад көзәткүчиси" журнилида, бо шиләйниң макавға четишлиқ мәсилилири һәққидә йезилған бир мақалини елан қилди.

Түнүгүндин башлап макав гезитлиридә бо шиләйниң, хитайниң чуңчиңдики һәрбий қорал завутлири билән бивастә алақиси бар, макавдики қимарханилардин нери кәтмәйдиған қара гуруһлар билән болған мунасивәтлириниң йип учи ашкарилинишқа башлиди. Бу хәвәрләрдә, америкиниң чеңдудики консулханисға илтиҗа сунған чуңчиңниң сақчи башлиқи ваң лиҗүнниң бир тәрәп қилиниши, гәрчә һазир техи ениқ болмисиму, әмма хитай коммунист партийисиниң күчлүк әмәлдарлириниң бири болған бо шиләй аллиқачан йеқилди дәп баян қилинди.

Енгилизчә чиқидиған "макав гезити"ниң бүгүнки санида, сун чүй язған "йеқилған әмәлдар бо шиләйниң макавға четилидиған мәсилилири" сәрләвһилик мақалиси бесилди.

Униңда, бо шиләй билән хе хухуаниң мунасивитигә даир фото рәсимләр вә сөз текистлири, қимар тиҗаритини асас қилған макав алаһидә район башлиқи хе хухуаниң, бо шиләй чуңчиңда қозғиған "қизил нахша ейтиш, қара гуруһларға зәрбә бериш" һәрикитини қәтий қоллиған сөз текистлири әсләп өтөлгән вә хе хухуа чуңчиңда бо шиләй билән бирликтә қизил нахша ейтишқа қатнашқан көрүнүшләр қайтидин көрситилгән.

Бу мақалидә, 2 - айниң 23 - күни, бо шиләй техи мәнсәптин қалдурулмиған, бәлки техичә атисидин мирас қалған сиясий тәсирини һәдәп кеңәйтиватқан әһвал астида, хе хухуа билән чуңчиңда көрүшкәндә тартилған фото рәсимгә алаһидә орун берилгән. Шундақла, уларниң бундақ алаһидә вәзийәттә немә дейишкәнлики ениқ әмәс, буни ениқлаш лазим дәп көрситилгән.

Америка иқтисадшунаси новриәл равбинму бүгүн "иқтисад көзәткүчиси" журнилида, "асияға нәзәр" журнилиниң тәтқиқатчиси кевин йәнниң "коммунист хитай мирасхори, мафия бо шиләй йеқилди" сәрләвһилик мақалисини басти. Бу мақалидә, макав хитайға өткүзүп берилгәндин кейин, әйни вақиттики баш министир җу руңҗи макавниң баш мәмурлиқиға талливалған хе хухуа, хитайниң азадлиқ армийә маршали, мәмликәтлик сиясий кеңәш рәиси йе җәнйиңниң оғли, әйни вақиттики гуаңдуңниң өлкә башлиқи йе шуәнпиң вә йе җәнйиңниң кйооғли зу җахуалар билән пәвқуладдә мунасивәттә болуп кәлгәнлики, хитай мәркизи комитет сиясий бюро әзаси бо шиләй чуңчиң шәһиридә "қизил нахша ейтиш, қара гуруһларға зәрбә бериш" һәрикитини башлиғандин кейин, у йәнә хе хухуа билән пәвқуладдә мунасивәттә болғанлиқиниң йип училири көрситилди.

Бу мақалидә йәнә, чуңчиң шәһиридә "қизил нахша ейтиш, қара гуроһларға зәрбә бериш" һәрикитини елип бериватқан бо шиләйниң йеқин сәпдеши ваң лиҗүн, йе җәнйиңниң оғли идарә қилидиған чуңчиңдики һәрбий қорал завутлири билән бивастә мунасивити бар, адәттә макавдики қимарханилардин нери кәтмәйдиған әң чоң қара гуруһ каттивиши вен җенҗе билән йеқин дост болғанлиқи, һәрикәттә униңға һәргиз чеқилмиғанлиқи тилға елинған.

Бу мақалидә йәнә, чуңчиңда елип берилған қара гуруһларға зәрбә бериш һәрикитидә қоғдап қелинған әң чоң қара гуруһ каттивиши вен җенҗйе, хитай рәиси болушни күтүп туруватқан ши җинпиңниң укиси ши юәнпиңниң бирликтә идарә қиливатқан муһит асраш ширкити, "қизил нахша ейтиш, қара гуруһларға зәрбә бериш" һәрикитидә өзини қоғдап қелиш үчүн, чуңчиң сақчи қисимлириға йүз милйон юән инанә бәргән дәп баян қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт