Prézidént bush rabiye qadir xanim we xitay démokratlirini aqsarayda qobul qilip körüshti

7‏ - Ayning 29‏ - küni amérika prézidénti bush rabiye xanim shuningdek wiy jéngshing , xarriy wu qatarliq xitay démokratlirini aqsarayda qobul qildi. Sürette, prézidént bush wekiller bilen aq saray aldida.

Uchrishishta rabiye qadir xanim, xitay hökümitining béyjing olimpik tenheriket yighini harpisida Uyghurlargha qaratqan basturush siyasiti, kishilik hoquq depsendichilikliri heqqide prézidént bushqa melumat bergen hemde prézidént bushtin xitay dölet re'isi xu jintaw bilen körüshkende, Uyghurlar mesilsini otturigha qoyushini telep qilghan.

Bu qétimqi uchrishish, Uyghur milliy herikitining rehbiri we dunya Uyghur qurultiyining re'isi rabiye qadir xanimning amérika prézidénti jurj bush bilen ikkinchi qétimliq uchrishishi hésablinidu. Amérika prézidénti jurj bush tunji qétim 2006‏ - yili chéx jumhuriyitining paytexti praga shehiride rabiye qadir xanimni qobul qilip, rabiye xanimgha we uning herikitige yuqiri baha bergen idi.

Uchrishishtin kéyin ziyaritimizni qobul qilghan rabiye qadir xanim, béyjing olimpik tenheriket yighinigha 10 kün qalghan bir mezgilde, amérika prézidénti jurj bushning özini we xitay démokratlirini aqsarayda qobul qilghanliqini xitaygha bérilgen bir signal dep körsetti .

Yuqiridiki awaz ulinishidin, muxbirimiz ömer qanatning bu heqtiki melumatining tepsilatini anglaysiz.