Chet'ellerdiki Uyghurlar öz igilikini tiklimekte

Süret, sédniydiki "ependi uyghur réstorani"ning simowoli bolghan "ependim" ning süriti.

Awstraliyining sédniy shehiridiki "Uyghur réstorani"ning igisi jür'et ependi, ene shundaq chet'ellerde öz aldigha igilik tikligen Uyghurlirimizning biri.

Bügün jür'et ependi radi'omiz ziyaritini qobul qilip, özining awstraliyide Uyghur réstorani échish qararigha kélishige seweb bolghan amillar hem bu réstoranning awstraliyiliklerge Uyghur ta'amlirini hem Uyghur medeniyitini tonushturushta oynighan roli heqqide toxtaldi.

Jür'et ependi yene özining réstoranni échish hem uni tereqqiy qildurup bügünkidek halgha ekélish jeryanida yoluqqan mesililerni bayan qilip, eger bir adem melum ishni qilish niyitige kélidiken, peqet sewri-taqet chidam irade bolsila Uyghurlar yat ellerdimu öz iradisi boyiche purset yaritalaydighanliqini, érishmekchi bolghan nishan'gha yételeydighanliqini bildürdi.

Yuqiridiki awaz ulinishidin, jür'et ependi bilen élip barghan söhbitimizning tepsilatini anglaysiler.