Шәрқий түркистан көчмәнләр җәмийитидә мәрһум чингиз айтиматовни хатирләш мурасими өткүзүлди

2008 ‏- Йили 6 ‏- айниң 26 ‏- күни истанбул шәһридә паалийәт қиливатқан шәрқий түркистан көчмәнләр җәмийитиниң уюштуруши билән абдулқадир ақйол йиғин залида қирғиз хәлқиниң шундақла түрк дунясиниң мәшһур язғучиси чингиз айтиматовни хатирләш мурасими өткүзүлди.
Мухбиримиз арслан хәвири
2008-06-30
Share
jengiz aytmatow-305 2008 ‏- Йили 6 ‏- айниң 26 ‏- күни истанбул шәһридә өткүзүлгән, қирғиз хәлқиниң шундақла түрк дунйасиниң мәшһур йазғучиси чингиз айтматовни хатирләш мурасимидин бир көрүнүш.
RFA Photo / Arslan
 Мурасимға истанбул шәһриниң муавин валийси мурат әпәнди, қирғизистанниң истанбулдики консулханисиниң муавин әлчиси әмәт җанат әпәнди , шәрқий түркистан маарип вә һәмкарлиқ җәмийитиниң муавин башлиқи һидайәтуллаһ оғузхан, шәрқий түркистан һәмкарлиқ җәмийити вәкили абдуқадир әпәнди, ирақ түркмәнләр җәмийитиниң башлиқи шундақла истанбулда яшаватқан уйғур , қазақлардин болуп җәмий 100 дин артуқ киши иштирак қилди.

Мурасимда алди билән қуран кәрим тилавәт қилинип мәрһум чингиз айтматофниң роһиға дуа қилинди. Мурасимға шәрқий түркистан вәхпиниң вәкили профессор доктур султан мәһмут қәшқәрли әпәнди риясәтчилик қилди. Мурасимда шәрқий түркистан көчмәнләр җәмийитиниң башлиқи әһмәт түркоз әпәнди ечилиш нутиқи сөзлигәндин кейин истанбул шәһриниң муавин валийси мурат әпәнди мәрһум чиңгиз айтиматувниң һаятидики иш ‏- излири тоғрисида сөз қилди, қирғизистанниң истанбулда турушлуқ муавин әлчиси әмәт җанат әпәнди сөз қилип , шәрқий түркистан көчмәнләр җәмийити тәрипидин бу, чиңгиз айтиматовни хатирләш мурасимини уюштурғанлиқиға тәшәккүр ейтидиғанлиқини билдүрди.

Мурасимда йәнә мармара универистетиниң оқутқучиси дочат доктур орхан сөйләмәс "айтиматувниң романлириға бир нәзәр" дегән темида, түрк дуняси тил ‏- әдәбият вәхпиниң башлиқи, журналист сәрвет қабақли әпәнди "айтматофниң әң ахирқи қетим түркийини зиярәт қилиши" дегән темида сөз қилди.

Биз мурасим ахирлашқанда шәрқий түркистан вәхпиниң вәкили профессор доктур султан мәһмут қәшқәрли билән бу мурасим һәққидә сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт