Әркин алиптекин далай ламаниң туғулған күнини хатириләш паалийитидә уйғур вәзийити һәққидә тохталди
2012.07.09
Далай ламаниң 73 яшқа киргәнликини хатириләш мунасивити билән уюштурулған паалийәттә әркин алиптекин әпәнди нутуқ сөзлиди. 2012-Йили 6-июл, голландийә.
2012-Йили 6-июл голландийиниң амистердам шәһәрлик “протун” тиятирханисида, шу йәр вақти кәч саәт 7 йеримдин 10 йеримғичә давам қилған бу паалийәткә тибәт, уйғур, моңғул вә йәрликләрдин болуп 300 дин артуқ адәм қатнашти. Паалийәттә моңғул, уйғур вә тибәтләрниң дуч келиватқан тәқдирдаш қисмәтлири аңлитилди вә бу үч милләтниң пәрқлиқ мәдәнийәтлири намаян қилинған нахша, музика вә усуллири орунлинип иштиракчи тамашибинларни һаяҗанға салди. Болупму моңғулларниң җәңгиварлиқ әкс әткән музикилири тамашибинларни ләрзигә салди.
Паалийәткә алаһидә тәклип билән германийидин келип қатнашқан әркин алиптекин әпәнди инглизчә нутуқ сөзләп, уйғурларниң нөвәттә дуч келиватқан миллий вә диний кимлик ассимилятсийилири, шәрқий түркистанниң йәр асти-үсти байлиқлириниң талан-тараҗ қилиниши, хитай көчмәнлириниң апәтлик көләңгилирини ихчам вә чүшинишлик баян қилип, иштиракчиларға аңлатти.
Паалийәт арилиқидики дәм елиш пурситидә “голландийә уйғур бирлики тәшкилати” әзалири, әркин алиптекин әпәнди билән хатирә рәсимгә чүшти. Әркин алиптекин әпәнди зияритимизни қобул қилип, йиғинға келиштики мәқсәтлири һәққидә чүшәнчә бәрди. Уйғур иштиракчилириму паалийәттики тәсиратлирини баян қилди.
Көп көрүлгән хәвәрләр
RFA
- Түркийә соти тунҗи қетим, әркин абдувәли исимлик уйғурни хитайға қайтуруп бериш қарарини елан қилди
- Мәмәт езиз садиқ түркийә сотида хитай үчүн җасуслуқ қилиш җинайити билән әйиблинип 12 йиллиқ қамаққа һөкүм қилинған
- Әркин асия радийосиниң мәшғулати федератсийә мәблиғиниң кесилиши билән тохтиши мумкин
- Қәшқәр пәйзиватта аһалиләр роза тутмайватқанлиқи һәққидә мәсул кадирларға испат йоллашқа мәҗбурланған
- Явропа парламенти тайландниң уйғурларни хитайға қайтурғанлиқиға қарши қарар лайиһәси мақуллиди