Dilare cholpan bolush arzusi üchün tunji qedem aldi

Gérmaniyide ötküzülidighan bu yilliq naxsha cholpanliri musabiqisige, miyonxénda yashawatqan talantliq Uyghur qizi dilare dolqun qatniship, gerche u musabiqide üzüp chiqalmighan bolsimu, tamashibinlarda chongqur tesir qaldurghan.
Muxbirimiz gülchéhre
2009.09.10
Share on WhatsApp
Share on WhatsApp
Girmaniyidiki-Uyghur-qiz-naxshichi-Dilara-305.jpg Youtube.com Din élinghan bu sürette, yash, talanliq uyghur qizi dilarening girmaniye cholpanlar musabiqisidiki bir körünüsh.
Youtube.com Din élindi.

Bu Uyghur qizining gérmaniye cholpanlar sehniside körünüshi shundaqla miyonxén téliwiziyisining dilare heqqidiki ziyaret xatirisi bolsa chet'ellerde yashawatqan Uyghurlarni bolupmu yéngi ewlad Uyghur yash - ösmürlirini hayajan'gha saldi.

Uyghur wetinidin ayrilip chet'ellerde yashawatqan Uyghurlar, meyli qaysi dölette bolmisun, özining kimlikini saqlashqa, kéyinki ewladlirinimu Uyghur tili, Uyghur medeniyiti, diniy hem milliy örp ‏- adetliri boyiche terbiyileshke tirishmaqta.

Nöwette chet'ellerde yashawatqan Uyghurlarning ikkinchi ewladliri arisidinmu türlük sahelerde talantliq, ijtihatliq, Uyghur yash ösmürliri yétiship chiqip, Uyghurlarning tonulushi üchün öz nöwitide rol oynimaqta.

Yéqinda gérmaniye téliwéziyiside körsitilgen ammibap naxsha cholpanliri programmisida, talantliq Uyghur qizi dilarening, gérmaniye boyiche ötküzülgen ammibap naxsha cholpanlirini tallash musabiqisige miyonxéndin tallan'ghan cholpanlarning aldinqi qatarigha kirgenliki, gerche bu yilliq cholpanliq tajisini kiyelmigen bolsimu, uning musabiqe jeryanida orunlighan naxshisi hem alahide perqliq simasi hem ipadiliri tamashibinlarda chongqur tesir qaldurghan.

Dilare gérmaniye cholpanlar sehniside özini tonushturush pursitidin paydilinip, özining Uyghur qizi ikenliki xitayning gherbige jaylashqan Uyghur élidin kelgenliki, xitay hökömitining réjimi tüpeyli a'ilisi bilen gérmaniyige köchmen bolushqa mejbur bolghanliqliri heqqide toxtalghan.

Gérmaniye téliwiziyiside Uyghur qizi dilarening simasi, uning naxshiliri gérmaniye we shundaqla yawropadiki Uyghurlarni hayajanlandurghan bolup, bu heqte gérmaniyide yashawatqan Uyghur ressam merwayit xanim, bu talantliq Uyghur qizining ipadisidin tolimu söyün'genlikini bayan qildi.

Emdi biz cholpanimiz dilarening özi bilen sirdiship baqayli:

Her bir insanda oxshimighan tebi'iy talantlar bolidu, ata - anilar öz perzentining talantini waqtida bayqap hemde toghra yétekligende we jari qildurushqa purset yaritip bergende talant netijige aylinidu. Dilarening anisi nurban xanim öz qizining sen'et jehettiki talantini qandaq yéteklidi? uning tejribisini anglap köreyli.

Utuqning bir pirsenti talanttin kelse qalghan 99 pirsenti tirishchanliqtin kélidu dégen eqliye bar. Anglighinimizdek, dilare özining cholpan bolush chüshini ré'alliqqa aylandurush üchün birinchi qedimini aldi, dostlar uninggha utuqlar tileyli, bu Uyghur qizining arzusidikidek, bir künliri uning naxshiliri dunya sehniliride yangrighay.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.