Диний зиялий әйса қарим: буниңға җаваб қайтуридиған әзимәтлиримиз йәнә чиқиду

Уйғур мәсчитлиригә бәш юлтузлуқ қизил байрақ есиш қилмиши куча наһийисиниң үчөстәң тәвәликидики тәқвадар уйғурлар тәрипидин тосалғуға учрап вақитлиқ тохтап қалған.
Ихтиярий мухбиримиз пидаий
2011.09.07
eysa-qarim-wez-sozlimekte.jpg Әйса қарим вәз сөзлимәктә. 2011-Йили 6-сентәбир.
RFA/Pidaiy

Бу йил авғустта ақсу вилайитиниң ават наһийиси ғорачөл йезисида башланған мәсчитләргә байрақ есиш һәрикити йәрлик әмәлдарларниң тәхсикәшлики билән башлинип, актиплиқ билән давам қиливатқанда куча наһийисиниң үчөстәң тәвәликидики тәқвадар уйғурлар тәрипидин тосалғуға учрап вақитлиқ тохтап қалған.

Бу һәрикәт чәтәлләрдә яшаватқан уйғурлардиму ғәзәп-нәпрәт қозғиған болуп, голландийидики явропа шәрқий түркистан маарип җәмийитидә хизмәт қиливатқан диний зиялий әйса қаримдин бу һәқтә инкас алдуқ.

Униң дейишичә, мәсчитләргә бәш юлтузлуқ қизил байрақ есиш һәрикити ақсу вилайитиниң ават наһийиси ғорачөл йезисидин башланғаникән. У хитайларниң бу хил йолсиз һәрикити һәққидә пикир баян қилип: хитайларниң тили билән ейтқанда, динниң сиясәткә, сиясәтниң динға арилишиш һәққи йоқ дейилгән өз сөзигә асасәнму мәсчитләргә байрақ қадаш әлвәттә тоғра әмәс, дәйду.

У йәнә байрақ мәсилиси һәққидә тохтилип: биз шәрқий түркистанлиқлар билән хитай таҗавузчилириниң арисидики мунасивәт достлуқ мунасивәт әмәс, байрақму әлвәттә шундақ. Байрақ билән бизниң аримиздики мунасивәт дүшмәнлик мунасивәттур. Шуниң үчүн хитайларниң бу қилмишиға нисбәтән җаваб қайтуридиған әзимәтлиримиз йәнә чиқиду. Дәп ойлаймән дәйду.

У йәнә исламдики мәсчитләрниң әсли маһийити вә җәмийәттики роли, мәсчитләрдә хизмәт қиливатқан имам, муәззинләр һәққидә тохталди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.