Д у қ рәһбәрлири б д т чақирған 4-нөвәтлик аз санлиқ милләтләр мунбири йиғиниға қатнашмақта

Дуня уйғур қурултийиниң рәиси рабийә қадир ханим, д у қ муавин рәиси әсқәрҗан, д у қ баянатчиси алим сейитоф вә дуня уйғур қурултийи баш катипи долқун әйса қатарлиқ кишиләр шветсарийиниң җәнвә шәһиридә өткүзүлүватқан бирләшкән дөләтләр тәшкилати кишилик һоқуқ кеңишиниң 4-нөвәтлик аз санлиқ милләтләр мунбири йиғиниға қатнашмақта.

Бу йиғинға 190 әтрапида дөләттин кәлгән вәкилләр қатнашмақта, йиғинда дуняниң һәр қайси җайлирида инсан һәқлири дәпсәндичиликигә учраватқан ханим-қизларниң мәсилилириму музакирә қилинидикән.

Бу йиғинда дуня уйғур қурултийиға вакалитән алим сейитоф әпәнди сөз қилип, уйғурлар, болупму уйғур ханим-қизлири дучар болуватқан мәсилиләрни оттуриға қойидикән. Рабийә қадир ханим башчилиқидики д у қ һәйити 11-айниң 27-күни җәнвәгә йетип кәлгән болуп, икки күндин бери бирләшкән дөләтләр тәшкилатиниң мунасивәтлик бөлүмлириниң мәсуллири билән көрүшүп уйғурларниң бүгүнки әһвали һәққидә мәлумат бәргән. Биз бу һәқтә техиму тәпсилий мәлумат елиш үчүн д у қ баш катипи долқун әйса вә д у қ баянатчиси алим сейитоф әпәндиләр билән сөһбәт елип бардуқ.