Д у қ вәкиллири б д т йиғинида сөз қилди

Д у қ ниң баш секретари долқун әйса әпәндимниң германийидики намайишлардин биридә сөз қиливатқан көрүнүшлиридин бири.

8 - Айниң 7 - күнидин 10 - күнигичә мәхсус "хитайдики ирқий мәсилини көздин көчүрүш" музакириси болуп өткән. Йиғинға д у қ муавин рәиси өмәр қанат вә баш катип долқун әйса әпәндиләр қатнишип, шәрқий түркистандики миллий зулум вә ирқий қирғинчилиқ һәққидә доклат берип, хитайниң инсан қелипидин чиққан зораванлиқлирини паш қилиш пурситигә еришкән.

Бу қетимқи йиғинда уйғурлар мәсилиси алаһидә диққәтни тартқан вә б д т ирқий айримичилиққа қарши туруш комитети әзалириниң җиддий көңүл бөлгән мәсилисигә айланған. Хитай һөкүмити вәкилләр өмики б д т хадимлириниң қаттиқ сорақ - соаллириға дуч кәлгән. Һәр йилдикигә охшашла, хитай һөкүмити б д т хадимлириниң көзини бояшқа теришип, һәр хил һелә - мекирлик усулларни қолланған.

Гәрчә, б д т ирқий айримичилиққа қарши туруш комитетиниң 75 - нөвәтлик бу йиғинида хитайға қарши кәйпият юқири чәккә йәткән болсиму, б д т намидин бир қарар мақулланмиған вә хитай тәрәпниң бәзи мәсилиләргә беридиған әтраплиқ җаваблирини күтүш бәлгиләнгән.

Гирманийидики ихтиярий мухбиримиз әкрәм д у қ ниң йиғинға қатнашқан вәкили долқун әйса билән бу һәқтә сөһбәтләшти.

Юқиридики аваз улинишидин, бу сөһбитниң тәпсилатини аңлайсиләр.