Uyghurlar gérmaniyining bérlin shehride namayish ötküzdi

Dunya Uyghur qurultiyi, wakaletsiz milletler teshkilati we amérikining démokratiyini ilgiri sürüsh fondi birlikte teshkilligen 2 - nöwetlik Uyghur rehberlirini démokratiye we insan hoquqliri boyiche terbiyilesh kursigha qatnishiwatqan Uyghurlar 2008 - yili 4 - ayning 23 - küni gérmaniyining paytexti bérlin shehiridiki tarixi meydanidiki brandenburger tor derwazisining aldida namayish ötküzdi.
Muxbirimiz erkin tarim xewiri
2008-04-23
Share
D u q bérlinda namayish Yighin'gha qatnashqan Uyghurlar 2008 - yili 4 - ayning 23 - küni bérlindiki tarixi meydan brandenburger tor derwazisining aldida namayish ötküzdi.
Photo: RFA
 Etigen sa'et 9 yérimdin 12 ghiche élip bérilghan bu namayishqa amérika kanada, awstraliye, qazaqistan, gérmaniye fransiye, norwigiye, türkiye, shimali amérika we asiya döletliridin bolup 13 dölettin kelgen Uyghur we xelq'araliq kishilik hoquq teshkilatliri mes'ulliri, kishilik hoquqni qoghdash qanuni boyiche mutexessisler, tonulghan siyasiyonlar we shuningdek gérmaniyide yashawatqan türk yashliridin bolup 100 din artuq kishi qatnashti.

Bu namayishchilar arisida Uyghur milliy inqilabining yol bashchisi rabiye qadir xanim, italiye parlamént ezasi marko perduka, wakaletsiz milletler teshkilatining mu'awin bash sékritari marino busdachin qatarliq kishilermu bar. Qollirida némische, én'gilizche lozunkilarni we kök bayraqni kötürgen Uyghurlar hemme birdek Uyghurlargha erkinlik, sherqiy türkistanliqlargha erkinlik, Uyghurlargha insan heqliri, Uyghurlargha démokratiye, dégen  sho'arlarni towlashti.

Biz bu namayishchilarning köz qarashlirini élish üchün ular bilen neq meydanda söhbet élip barduq. Yuqiridiki ulinishtin, bu söhbitimizning tepsilatini anglanglar. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet