Д у қ һәйитиниң германийә парламентида елип барған учришишлиридин арийәләр

Дуня уйғур қурултийи, вакаләтсиз милләтләр тәшкилати вә америкиниң демократийини илгири сүрүш фонди бирликтә тәшкиллигән 2 - нөвәтлик уйғур рәһбәрлирини демократийә вә инсан һоқуқлири бойичә тәрбийиләш курсиниң күн тәртипигә асасән 2008 йили 4 айниң 23 - күни германийиниң пайтәхти берлин шәһиридики тарихи мәйдандики брандәнбургәр дәрвазисиниң алдида намайиш өткүзүлди.
Мухбиримиз әркин тарим хәвири
2008-04-25
Share
girmanye-parlnt-ezaliri-305 Германийә парламенти инсан һәқлири вә инсанпәрвәрлик ярдәм комитети әзалиридин раинәр бусчер әпәнди вә ангелика граф ханимлар д у қ вәкиллирини күтүвалди.
Photo: RFA
 Намайиш башлаштин бурун дуня уйғур қурултийи рәиси рабийә қадир ханим, муавин рәиси әсқәрҗан, д у қ баш катипи долқун әйса, хәтәр астидики милләтләрни қоғдаш тәшкилати башлиқи улиу дәлиус қатарлиқ кишиләр яврупа парламентиниң германийидә турушлуқ мәсули делик йерриң ханим билән көрүшти. Һәйәт униңға уйғурларниң һазирқи вәзийити һәққидә бир доклат сунғандин башқа, уйғурларниң һазирқи әһвали һәққидә мәлумат бәрди.

 Делик йерриң ханим уйғур мәсилисидин хәвәрдар икәнликини әмма әһвалниң бу қәдәр вәһимилик икәнликидин хәвири йоқлиқини дәп өтти. Намайиш ахирлашқандин кейин д у қ һәйитини германийә йешиллар партийиси башлиқи клаудиа ротһ ханим қобул қилди. Курсантлар болса германийә парламентиға зиярәт елип барди.

Бу зиярәтниң ахирида америка, канада, австралийә вә оттура ася түркий җумһурийәтлиридин болуп 13 дөләттин кәлгән уйғур вә хәлқаралиқ
girmanye-parlnt-ezaliri-200
Рабиә қадри ханим вәкилләргә сөздә.
Кишилик һоқуқ тәшкилатлири мәсуллири, кишилик һоқуқини қоғдаш қануни бойичә мутәхәссисләрдин тәркип тапқан 60 кишилик һәйитини германийә парламенти инсан һәқлири вә инсанпәрвәрлик ярдәм комитети әзалиридин раинәр бусчер әпәнди вә ангелика граф ханимлар парламент бинасиниң ичидики бир йиғин залида күтүвалди. Улар алди билән германийә парламенти инсан һәқлири вә инсанпәрвәрлик комитети һәққидә қисқичә мәлумат бәргәндин кейин, шәрқий түркистан мәсилиси һәққидә тохталди. Кейин уйғур милли һәрикитиниң рәһбири, дуня уйғур қурултийи рәиси рабийә қадир ханим уйғурларниң һазирқи вәзийити вә уйғурларниң герман һөкүмитигә болған тәләплири үстидә тохталғандин кейин, дуняниң һәрқайси җайлиридин кәлгән уйғур курсантлар улардин соалларни сориди.

Бу паалийәт ахирлашқандин кейин бу комитетниң башлиқи һолгәр һаибах рабийә қадир ханим башчилиқидики д у қ һәйитини айрим қобул қилди. Бу учришишларда нуқтилиқ һалда хитайниң шәрқий түркистанда елип бериватқан бесим сиясәтлири, яврупа дөләтлириниң шәрқий түркистан мәсилисигиму көңүл болуши керәклики, шәрқий түркистанда нурғун бигунаһ адәмләрниң түрмигә ташланғанлиқини, рабийә қадир ханимниң икки оғлиниң дәрһал қоюп берилиши керәклики, олимпикни баһанә қилип туруп хитайларниң уйғурларни бастуруватқанлиқи дегәнгә охшаш мәсилиләр музакирә қилинди. Д у қ һәйити америка соти тәрипидин бигунаһ икәнликини ениқланған гуантанамодики уйғурларни яврупа дөләтлириниң елиши керәкликиму тәкитләнди.

Юқиридики улиништин, германийә парламенти инсан һәқлири вә инсанпәрвәрлик ярдәм комитети әзалири билән елип берилған учришиш һәққидә мухбиримиз әркин таримниң нәқ мәйдандин алған мәлуматидин арийәләр аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт