' D u q 2009 - 2010 - yilliq kaléndari' neshirdin chiqti

D u q mexsus adem belgilep we köp küch serip qilip, 2009 - 2010 - yilliq kaléndarini neshir qildurdi. Kaléndar in'gliz we Uyghur tilida neshir qilin'ghan bolup, tash wariqigha ikki tilda "mexmut qeshqirining dunyagha kelgenlikining 1000 yilliqini xatirleymiz", dep yézilghan.
Muxbirimiz erkin tarim
2008-12-26
Élxet
Pikir
Share
Print
D u q ingliz we uyghur tilida neshir qilghan, ikki tilda "mexmut qeshqirining dunyagha kelgenlikining 1000 yilliqini xatirleymiz," dep yézilghan, 2009 - 2010 - yilliq d u q kaléndarining körünüshi.
D u q ingliz we uyghur tilida neshir qilghan, ikki tilda "mexmut qeshqirining dunyagha kelgenlikining 1000 yilliqini xatirleymiz," dep yézilghan, 2009 - 2010 - yilliq d u q kaléndarining körünüshi.
RFA Photo / Erkin Tarim

Otturigha, "dunya Uyghur qurultiyi 2009 - 2010 - yil kaléndari" dégen söz yézilghan. Eng töwen'ge bolsa ayyultuzluq kök bayraq bilen tarixta qurulghan sherqiy türkistan jumhuriyitining dölet giribi chüshürülgen.

Kaléndarning ikkinchi bétige gérmaniyining muyénxin shehiride chaqirilghan 2 - nöwetlik dunya Uyghur qurultiyigha qatnashqan wekillerning resimi qoyulghan. Shundaqla dunya Uyghur qurultiyining qisqiche tarixi anglitilghan.

Kalindarning her bétide Uyghur tarixida yüzbergen tarixi weqelerge yer bérilgen bolup, tarixi shexislerning resimliri qoyulghan. Birinchi ay üchün qaraxaniylar xanliqining qurghuchisi sultan satuq bughraxanning resimi kirgüzülgen bolup, uning yénida qaraxaniylar döliti heqqide melumat bérilgen.

Kalindarning ikkinchi ayni körsetken bétide 5 - féwral ghulja weqesi heqqide melumat bérilgendin bashqa ghulja weqesini xatirilesh üchün dunyaning herqaysi jaylirida élip bérilghan pa'aliyetler heqqidiki resimlerge yer bérilgen.

Kalindarning her bétige Uyghur tarixidiki muhim tarixiy qehrimanlarning resimliri we ular heqqide melumatlargha yer bérilgen. Kaléndarda yer alghan muhim shexisler bolsa iparxan, amannisaxan, abduréshitxan, sadir palwan, mexmut qeshqiri, yüsüp xas hajip, farabi, elishir nawayi qatarliqlardin ibaret.

Kalindarda yene, d u q re'isi rabiye qadir xanimning türmidin chiqishi we amérika prézidénti bush bilen uchrashqanliqi heqqidiki resimlergimu yer bérilgen.

Kalindarda Uyghurlarning milli bayramliri we tarixta bolghan muhim weqeler heqqide melumat bérilgendin bashqa, sherqiy türkistan xeritisigimu yer bérilgen.

Biz bu kaléndar heqqide téximu tepsili melumat élish üchün bu kaléndarni layihilep teyyarlighan teklimakan Uyghur neshriyati bashliqi jélil turan ependi we munasiwetlik kishiler bilen söhbet élip barduq.

Yuqiridiki awaz ulinishidin, muxbirimiz erkin tarimning bu heqtiki melumatining tepsilatini anglaysiz.

Toluq bet