Rabiye qadir xanimning gérmaniyining 3 chong shehiridiki muhim pa'aliyetliri

Uyghur milliy herikitining rehbiri dunya Uyghur qurultiyining re'isi rabiye qadir xanim gérmaniyining gotén'gen, gézin we norénburk sheherliride nahayiti muhim pa'aliyetlerni élip barghan.
Muxbirimiz erkin tarim xewiri
2008-04-28
Share
Rabiye qadir xanim sözde 2008 - Yili 20 - april küni bérlinda échilghan yighinda d u q reisi, uyghurlarning meniwi anisi rabiye qadir xanim échilish nutqi sözlidi.
Photo: RFA
  U 20 - april künidin 23 - aprélghiche gérmaniyining bérlin shehiridiki pa'aliyetlirini ghelibilik axirlashturup, 24 - april küni xeter astidiki milletlerni qoghdash teshkilati teripidin gérmaniyining gotén'gen shehride uyushturulghan pa'aliyetlerge qatnashqan.

24 - April küni aldi bilen bir gimnaziyide Uyghurlar heqqide léksiye bergen rabiye qadir xanim, chüshtin kéyin xeter astidiki milletlerni qoghdash ishxanisida muxbirlarni kütüwélish yighinigha qatnashqan, bu yighinda muxbirlar rabiye qadir xanimdin Uyghurlarning hazirqi weziyiti, 2008 - yilliq olimpik tenterbiye musabiqisining xitayda ötküzülüshtin burunqi weziyet heqqide bir yürüsh so'allarni sorighan. Shu küni axsham 7de bolsa gotén'gen shehrining sheher bashliqi Uyghur milliy herikitining rehbiri rabiye qadir xanimni ishxanisida qobul qilip, 45 minut Uyghurlarning hazirqi weziyiti heqqide melumat alghan. Kéyin xelq'ara kechürüm teshkilatining zalida léksiye bérilgen. Bu yighin'gha gotén'gen shehrining sheher bashliqimu qatnashqan.
 
25 - April küni gérmaniyining tarixiy sheherliridin biri bolghan gézin shehrige yétip kelgen rabiye qadir xanim, gézin shehride muxbirlarni kütüwélish yighini ötküzgen. Bu muxbirlarni kütüwélish yighinigha köp sanda muxbirlardin bashqa gézin sheherlik hökümitining mu'awin bashliqimu qatnashqan. Kéyin yene gézin shehride xelq'ara kechürüm teshkilati, xanim qizlarning insan heqlirini qoghdash teshkilati we dunya dukanliri teshkilati qatarliq teshkilatlar ortaqliship sherqiy türkistanda insan heqliri témisida yighin ötküzgen.

Bu doklat yighini 400 kishilik bir zalda ötküzülgen bolup, zalgha kishiler sighmay öre turup anglighan. Bu yighinning échilish nutqini gezin shehrining mu'awin bashliqi qilghan. Sheher bashliqi mu'awini bir ayal bolup, échilish nutqida rabiye qadir xanimdek bir musulman ayalning Uyghur dawasini élip bériwatqanliqidin intayin xursen bolghanliqini tekitligen.

 D u q re'isi rabiye qadir xanim bilen d u q mu'awin re'isi esqerjan bu sheherdiki pa'aliyetlirini tamamlap 26 - april küni gérmaniyining norénburk shehrige yétip kelgen. Bu sheher 2 - dunya urushida gétlérning eskerliri sotqa tartilghan sheher bolup, gérmaniyide insan heqliri shehiri dep tonulidiken. Bu sheherde namayish ötküzülgen bolup namayishta, xitaydek bir insan heqlirige hörmet qilmaydighan dölette olimpik musabiqisining ötküzülüshining toghra bolmaydighanliqi tekitlen'gen.

Biz bu pa'aliyetler heqqide tepsili melumat élish üchün bu pa'aliyetlerde rabiye qadir xanimning terjimanliqini qiliwatqan, d u q mu'awin re'isi esqerjan ependi bilen téléfon ziyariti élip barduq.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet