Д у қ гуаңдуң қирғинчилиқи мунасивити билән бир қатар паалийәтләр уюштурушни пиланлди

26 ‏- Июн күни гуаңдуң өлкисиниң шавгүән шәһиридики шүри оюнчуқ завутида, уйғур вәтинидин мәзкүр завутқа ишчилиққа йөткәп келингән уйғурлар билән хитайлар оттурисида қанлиқ тоқунуш йүз бәргән һәмдә вәқәни бир тәрәп қилиш үчүн 400 сақчи, 152 нәпәр җиддий қутқузуш хадими, 48 қетим җиддий қутқузуш аптомобилиниң ишқа селинғанлиқи хәвәр қилинған иди.
Мухбиримиз әқидә
2009-07-01
Share
Xitay-Uyghur-toqunushi-guangdong-305 www.uighurbiz.net Дин елинған бу сүрәт, тоқунуш йүз бәргән бинаниң алдидики нәқ мәйдандин көрүш.
www.uighurbiz.net Дин елинди. Нәшир һоқуқи www.0751.cc Ниң.

Хитай тор бәтлиридики хитайларниң вәқә тоғрисидики инкаслирида, тоқунушниң келип чиқиш сәвәбиниң басқунчилиқ вәқәси билән мунасивәтлик икәнлики ейтилған болсиму, әмма уйғурлар һәққидә питнә ‏ - пасат тарқатқан хитайниң қолға елинғанлиқи оттуриға қоюлған иди.

Шавгүән шәһәрлик һөкүмитиниң доклатида көрситилишичә, вәқәдә җәмий 120 киши яриланғанлиқи, буларниң ичидә 81 ниң уйғур, 39 нәпириниң хитай икәнлики, 2 уйғурниң өлгәнлики билдүрүлгән иди. Хитайниң бошун вә башқа учур вастилирида болса, вәқәдә өлгәнләрниң 18 киши икәнлики, униң 12 синиң уйғур икәнлики хәвәр қилинған.

Әскәртиш:   бу син - алғу филими www.ireport.com Дин елинған. Нәширят һоқуқи www.ireport.com Ниң. Мәзмуни вә көрүнүшләрниң тәпсилатиға RFA ниң мәсулийити йоқ.

Қанлиқ вәқәниң нәқ мәйдан көрүнүши чүшүрүлгән бәзи син алғу лентилири ютубқа қоюлған болуп, хитай тор бәтлиридә хитайларниң уйғурларни кәмситисдиған, һәтта ашкара һалда "өлтүрүш керәк бу уйғурларни", " қирип түгитиш керәк " дегәнгә охшаш, уйғурларға болған өчмәнлик вә ғәзәп ‏ - нәприти ипадиләнгән сөзлири йәр алған.

Бу вәәқә йүз бәргәндин кейин, чәтәлләрдә уйғурларниң демократийә вә сиясий һоқуқлири үчүн паалийәт елип бериватқан дуня уйғур қурултийи йетәкчиликидики һәр қайси тәшкилатлири, өзлири туруватқан дөләтләрдә турушлуқ һөкүмәт вә кишилик һоқуқ тәшкилатлири билән учришиш, уларға хәт йоллаш арқилиқ улардин хитай һөкүмитигә бесим ишлитип, бу қанлиқ тоқунушниң мәйданға килишидики һәқиқий сәвәбини вә вәқәдә һаятидин айрилған уйғурларниң ениқ санини ениқлашни һәмдә вәқә садир қилған җинайәтчиләрни җазалашни тәләп қилди.

Зияритимизни қобул қилған, дуня уйғур қурултийиниң баш катипи долқун әйса әпәнди, вәқәниң садир болушиға алди билән хитай һөкүмитиниң ерқий кәмситиш сияситиниң сәвәбчи икәнликини билдүрүш билән биргә, болупму хитай өлкилиригә ешинчи әмгәк күчи йөткәш сияситиниң тамамән хата бир сиясәт икәнликини тәкитлиди, дуня уйғур қурултийиниң һәр қайси дөләтләрдики даими кометит әзалири билән телефун йиғини өткүзгәнликини ейтқан долқун әпәнди йәнә, алдимиздики күнләрдә һәр қайси дөләтләрдә наразилиқ намайиши елип баридиғанлиқини, дуня мәтбуатлири арқилиқ вәқәниң маһийитини хәлқараға ашкарилайдиғанлиқини вә хитай һөкүмитини вәқәниң һәқиқий сәвәбини ениқлашқа,уйғур хәлқидин әпу сорушқа мәҗбурлайдиғанлиқини, бу һәқтә бирләшкән дөләтләр тәшкилатиға әрз қилидиғанлиқини билдүрди.

Америка уйғур бирләшмисиниң муавин рәиси алим сейитоф әпәнди, бу вәқә мунасивити билән америкида елип баридиған паалийәтләр тоғрисида мәлумат бәрди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт