Ekberjan jamalning késilishi we uning nöwettiki ehwali

Uyghur élidin radiyomizgha we chet'el axbaratigha uchur yollighuchilar oxshash bolmighan netije we aqiwetke duch kelmekte. Öz newrisini qutuldurush üchün xitay hökümitining yolsizliqlirini dadilliq bilen pash qilghan, tursunjan hesen nöwette normal déhqanchiliq pa'aliyiti bilen meshghul.
Muxbirimiz shöhret hoshur
2009-04-14
Élxet
Pikir
Share
Print
Shendung uniwérsitétida oquwatqan bir nechche Uyghur oqughuchilarning, chingdaw shehiridiki melum xitay saqchi da'iriliri teripidin qattiq urulup arqidin tutqun qilin'ghan körünüsh.
Shendung uniwérsitétida oquwatqan bir nechche Uyghur oqughuchilarning, chingdaw shehiridiki melum xitay saqchi da'iriliri teripidin qattiq urulup arqidin tutqun qilin'ghan körünüsh.
Süret boxun.com Tor bétidin élindi. Neshriyat hoquqi boxun.com Ning.

Yéngisar déhqanlirining derdini intérnét we radiyomiz arqiliq dunyagha ashkarilighan déhqan hékim siyit, nöwette pa'aliyitining netije bergenlikidin memnun. Emma, ekberjan jamal bu jehette éghir bedel töligenlerdin biri. Ekberjan jamal herikitige pushman qilmaydighanliqini izchil tekitligen, emma, uning qérindashliri ekberjan'gha jazaning éghir bolup ketkenlikidin shikayetchi.

Xitay hökümiti aldinqi ayda, shayar nahiyisidiki bir neper yashnimu uchur tarqatqanliqi seweblik qolgha alghan, uni qolgha alghanda, ösek söz tarqitip weqeni burmilighan, chongaytiwetken dep eyibligen.

Emma, ekberjan tarqatqan uchur ösek söz emes, belki turpan shehiride yüz bergen emeliy bir weqe: yeni 2007 ‏ - yili 10 ‏ - ayning 3 ‏ - küni turpandiki bir chong bazargha öt ketken. Ot apitige uchrighanlar asasliqi Uyghur tijaretchiler bolup, apette bir kishi ölgen nechche milyon yu'enlik dukan we mal köyüp ketken. Hökümet eyni chaghda, ziyanning bir qismini tölep béridighanliqi we yéngi orun körsitip béridighanliqini bildürgen we hökümet wediside turmighan. Buning bilen 11 ‏ - ayning 1 -, 17 - we 19 ‏ - künliri turpandiki apetke uchrighan tijaretchiler, topliship hökümetke naraziliq bildürgen. Emma bu namayishlar héchbir axbarat wasitisida élan qilinmighan. Mana mushundaq shara'itta, ekberjan namayishni qol téléfoni arqiliq xatirige élip dostlirigha we tordashlirigha tarqatqan.

Éniqki ekberjan bu uchurlarni tarqitish arqiliq, mesilige xelqning we hökümet da'irilirining diqqitini tartmaqchi, jiddiyitini qozghimaqchi bolghan. Wén jyabawning ötken yili amérika ziyaritde qilghan sözi boyiche bolsa, ekberjan jazalinishi emes, mukapatlinishi kérek. Chünki wén jyabaw shu qétimqi sözide, axbaratning hökümetni nazaret qilishi kéreklikini, hökümetning xizmitige hökümet özi emes xelq baha bérishi kéreklikini bildürgen idi. Ekberjan tarqatqan töwendiki uchur, del hökümetning milliy mesililerni toghra bir terep qilishigha paydiliq uchurlar idi.

Ekberjanning a'ilisi ekberjanning soraq we qamaq jeryanida, qiyin - qistaqqa élinmighanliqini we qopal mu'amilige yoluqmighanliqini, hemde nöwette ayda bir körüshüp turiwatqanliqini bildürdi. Biraq uninggha bérilgen jazaning tolimu éghir bolup ketkenlikini, shunga alaqidar orunlarning ekberjan délosigha qayta qarap chiqishini ümid qilidighanliqini bildürmekte.

Yuqirida biz silerge ekberjanning jazalinishigha sewep bolghan uchurlar we özining nöwettiki ehwali heqqide melumat berduq.

Toluq bet