Әкрәм муминоф : қирғизистан уйғурлириниң роһи озуқи йәнила вәтәндин келиду
2012.11.28
Хәлқ сәнәткари әкрәм мөмин америкида. 2012-Йили 26-ноябир, вашингтон.
Америкида зиярәттә болуватқан қирғизистанлиқ уйғур хәлқ сәнәткари әкрәм муминофниң ейтишичә, бу җумһурийәттики һәр бир уйғур ана вәтән меһрисиз, ана вәтән муһәббитисиз вә ана вәтән роһи озуқисиз яшиялмаслиқи мумкин. Йилларниң өтүши вә әвладларниң алмишиши уларниң ана вәтән сөйгүсини суслаштуралмиди, әксичә техиму күчәйтмәктә. Йеқинқи йиллардин буян яш әвладларниң өз миллий мәдәнийити, миллий сәнити вә ана тилини өгинишкә болған қизиқиши һәссиләп ашмақта.
Қирғизистандики уйғурларниң сани һәққидә түрлүк мәлуматлар мәвҗут. Қирғизистан җумһурийитиниң һөкүмәт статистикиси бойичә алғанда, бу җумһурийәттики уйғурларниң нопуси 1999-йили, 46 миң, 2012-йили, 50 миң дәп елан қилинған. Әмма, бәзи қирғиз вә уйғур мутәхәссислири уйғурларниң әмәлийәттики саниниң 150 миңдин артуқ икәнликини йезишиду.
Уйғурлар қирғизистанниң бишкәк шәһири вә униң әтрапидики покирофка, лебединофка, алато, чәткөл қатарлиқ җайларға шуниңдәк қара балта, қарақол, тоқмақ, ош, қарасу, өзгәнд вә җалал абад қатарлиқ чоң кичик шәһәрлиригә тарқалған. Бишкәк шәһири вә униң әтрапи уйғурларниң зич олтурақлашқан мәркәзлиридин һесаблиниду.
Көп көрүлгән хәвәрләр
RFA
- Камбоджадин қайтурулған мәмәтәли розиниң 37 йешида йәкән түрмисидә җан үзгәнлики дәлилләнди
- Явропа дөләтлиридә уйғурлар намайиш қилип, тайландтики уйғурларниң қоюп берилишини тәләп қилди
- “уйғур һәрикити” тәшкилати токйода паалийәтчиләргә тәрбийәләш курси ачти
- Орхун торбетиниң саһиби, тарихчи турсунҗан һезим қайтидин муддәтсиз кесиветилгән
- Тайландниң әнқәрәдә турушлуқ баш әлчиси тайландниң 48 уйғурни хитайға қайтурмайдиғанлиқини билдүргән