En'enige warisliq qilish bilen ülgilik rolning birliki

En'enige warisliq qilish dégenlik hergizmu éghiz arqiliq sözlep qoyup emeliyette körsetmestin, quruq warisliq qilishni körsetmeydu. Chünki bir nersige warisliq qilish uni jariy qildurush we yashitishni teqezza qilidu.
Muxbirimiz ömerjan toxti
2009-03-30
Share

Ana wetenning oxshash bolmighan bilimgahlirida oqushini püttürgendin kéyin, mekke mukerreme shehiride ilmiy xizmetler bilen shughulliniwatqan abdulla hajim iman we uning jem'iyettiki roli heqqidiki söhbitimizni qobul qilghan idi.

Abdulla hajim bilen söhbet

Abdulla hajim mundaq didi:" musulmanlarning dini ularni kembeghellerni yölep, xéyimxeterge uchrighanlarni qutquzushni, küchlüklerning zulumlirigha qarshi chiqip, ajizlargha terepdar bolushni, keng qorsaq, merdane bolush, kishilerge xoshalliq élip kélish, hésdashliq rohigha bay bolushtek en'eniwi güzel exlaqlargha warisliq qilish we jariy qildurushni, heqiqet yolida özini qurban qilalaydighan pidakarliq rohqa, japa - musheqqettin qorqmaydighan peziletke we ittipaqliship algha ilgirleydighan idiyige bolushni teleb qilidu. Shunga qur'an kerimde:' siler yaxshi ishqa we teqwaliqqa yardemlishinglar, gunahqa we zulumgha yardemleshmenglar' dep körsitilgen".

Chonglar kichiklerge ülge yaritishi lazim

Abdulla hajimning éytishiche, musulmanlardin chonglar exlaqiy jehettiki terbiyisini kéyinki ewladqa miras qaldurush, balilarni yaxshi terbiyilep, ulargha ülge bolush mes'uliyitige ige. Peyghember eleyhissalam mundaq dégen:" siler xuddi padichigha oxshaysiler, padichi özining padilirigha mes'ul bolghandek, silermu ilkinglardikilerge mes'ulsiler" dep körsetken.

Musulmanlar özlirining ésil exlaq qurulushi arqiliq jem'iyetke, dewrge maslishishning zörürlikini yaxshi bilidu. Shunga ular bu dunyaliqqa aktip qatnishish puzitsiyiside turup, yüksek exlaq tebi'iti we semimiy kesipchanliq rohi bilen bu dunyada pütkül yaxshi ishlar we nersilerni yaritish bilen meshghul bolush, insanlar jem'iyitide inaq, dostane, azade, bir - birining haligha yétidighan bir ülgilik jem'iyet yaritishni nishan we ghaye qilidu.

Musulmanlarning her ishta ülge bolishi teleb qilinidu

Musulmanlarning eqidiside kishilik munasiwet we ishlarni bir terep qilish jehette semimiy sadiq bolush, chonglarni hörmetlep, kichiklerni asrash, ata - anigha wapadar bolush, sodida adaletlik, tarazida rastchil bolush, her ishta pak - diyanetlik bolush qatarliq bir qatar prinsiplar qattiq teshebbus qilinidu. Bu ishlar axirida ijtima'iy omumiy exlaq we meniwi medeniylik bolup gewdilinidu.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet